ପିପିଲି (ଏଟିଆର ବ୍ୟୁରୋ); ଟ୍ରକ ପଛପଟେ ପିଟିହେଲା ବାଇକ । ଅକାଳରେ ଚାଲିଗଲା ବାପା ପୁଅଙ୍କ ଜୀବନ । ତେବେ ଏମାନଙ୍କ ସହ ଆଉଜଣେ ଗୁରୁତର ଆହତ ହୋଇଛନ୍ତି । ଯାହାକି ପରିବାର ପାଇଁ ଆଣି ଦେଇଛି ଦୁଃଖର ବାଦଲ । ତେବେ ଏଭଳି ଦୁଃଖଦ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ପୁରୀ ଜିଲ୍ଲା ପିପିଲି ନିକଟ ପିଢ଼ପାଟଣା ଛକରେ । ମୃତକ ହେଲେ ପବନା ବେହେରା (୫୫) ଏବଂ ତାଙ୍କ ପୁଅ ଧଡିଆ ବେହେରା । ତାଙ୍କ ଘର ପାଟଣା ଗାଁରେ ବୋଲି ଜଣା ପଡିଛି । ଗୁରୁତର ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଖବର ପାଇ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ଘଟଣାର ତଦନ୍ତ ଜାରି ।
ପୋଲିସ ରିପୋର୍ଟ ମୁତାବକ ମଙ୍ଗଳବାର ରାତିରେ ଧଡିଆ ତାଙ୍କ ଶଳା ଏବଂ ବାପା ଗୋଟିଏ ବାଇକରେ ପିପିଲି ଷ୍ଟେସନରୁ ଫେରୁଥିଲେ । ପିଢ଼ପାଟଣା ଛକରେ ରାସ୍ତା କଡରେ ଥିଆ ହୋଇଥିବା ଏକ ଟ୍ରକ ପଛପଟେ ପିଟିହୋଇଥିଲା ବାଇକ । ଘଟଣାସ୍ଥଳରେ ଧଡିଆ ଏବଂ ତାଙ୍କ ବାପାଙ୍କର ମୃତ୍ୟୁ ହୋଇଥିଲା । ସ୍ଥାନୀୟ ଲୋକ ଦୁର୍ଘଟଣା ଦେଖିବା ପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଁଞ୍ଚି ଆହତଙ୍କୁ ପ୍ରଥମେ ମେଡିକାଲ ପଠାଇଥିଲେ । ପରେ ମୃତଦେହ ଉଦ୍ଧାର କରି ପରିବାର ଲୋକଙ୍କୁ ଖବର ଦେଇଥିଲେ । ପରିବାର ଲୋକ ଆସିବା ପରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ପୋଲିସ । ପରିବାରର ଦୁଇଜଣଙ୍କର ମୃତ୍ୟୁ ହେବା ପରେ ଦୁଢଃଖରେ ଭାଙ୍ଗିପଡିଛନ୍ତି ଆତ୍ମୀୟ ସ୍ୱଜନ ।
