ନୀଳଗିରି ( ଏଟିଆର ବ୍ୟୁରୋ): ନୀଳଗିରିରେ ବୋହୂ ଆଣିଛି ଶଶୁର ନାମରେ ଦୁଷ୍କର୍ମ ଅଭିଯୋଗ । ସୂଚନା ଅନୁସାରେ ବୋହୂକୁ ପୂର୍ବରୁ ଶାଶୁଘରେ ଯୌତୁକ ନିର୍ଯ୍ୟାତନା ଦିଆଯାଉଥିଲା । ବାପଘରୁ ଅଧିକ ଯୌତୁକ ଆଣିବାକୁ ବାଧ୍ୟ କରାଯାଉଥିଲା । ଏମତିକି କି କଥା ଥାନା ପର୍ଯ୍ୟନ୍ତ ଯାଇଥିଲା । ଯାହାଫଳରେ ଶାଶୁଘର ଲୋକେ ବୋହୂକୁ ଭଲ ପାଉନଥିଲେ ।
ଗତକାଲି ୧୧ ଟା ବେଳେ ବୋହୂଘରେ ଥିବା ବେଳେ ଶଶୁର ତାଙ୍କୁ ଖରାପ ଇଙ୍ଗିତ କରିବା ସହିତ ଦୁଷ୍କର୍ମ କରିବାକୁ ଉଦ୍ୟମ କରିଥିବା ବୋହୂ ଥାନାରେ ଅଭିଯୋଗ କରିଛନ୍ତି । ଶଶୁର ତାଙ୍କୁ ଜବରଦସ୍ତି କରିବା ବେଳେ ସେ କୌଣସି ପ୍ରକାରେ ଘରୁ ବାହାରକୁ ଚାଲିଯିବାକୁ ଚେଷ୍ଟା କରୁଥିଲେ ମାତ୍ର ତାଙ୍କୁ ସେଠାରେ ଶାଶୁ , ନଣନ୍ଦ ଓ ସ୍ୱାମୀ ଅଟକେଇ ଜବରଦସ୍ତି ଗୋଟେ ଘରେ ପୁରାଇ ବନ୍ଦ କରିଦେଇଥିଲେ ।
ଏମିତି କି କାଙ୍କୁ ଜୀବରନରୁ ମାରିଦେବା ପାଇଁ କିରୋଶିନି ଢାଳି ନିଆଁ ଲଗାଇବାକୁ ଚେଷ୍ଟା କରାଯାଇଥିବା ବୋହୂ ଅଭିଯୋଗ କରିଛି । ବୋହୂର ମୁଣ୍ଡକୁ ମଧ୍ୟ ଆଘାତ କରାଯାଇଛି । ଘର ଭିତରେ ବୋହୂର ଚିକ୍ରାର ଶୁଣି ପାଖ ପଡୋଶୀ ମାନେ ବୋହୂକୁ ଉଦ୍ଧାର କରି ଏକ ଆମ୍ବୁଲାନ୍ସ ଯୋଗେ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ନେଇ ପୋଲିସରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ବ କରିଛି । ତେବେ ଘଟଣାର ସତ୍ୟତା ଅଧିକ ତଦନ୍ତ ପରେ ଜଣା ପଡିବ ।
