ମୁମ୍ବାଇ (ଏଟିଆର ବ୍ୟୁରୋ): ବଲିଉଡର କିଙ୍ଗ ଖାଁ ମାନେ ଶାହରୁଖ୍ ଖାଁ ସର୍ବଦା ଚର୍ଚ୍ଚାରେ ରହିଥାନ୍ତି । ତାଙ୍କ ଫ୍ୟାନଫଲୋଇଙ୍ଗକୁ ଆକଳନ କରିବା ବହୁତ କଷ୍ଟ । ନିକଟରେ ଶାହାରୁଖ ତାଙ୍କ ଘର ବାହାରେ ସୁଟିଂ କଲାବେଳେ ହଠାତ୍ ଫ୍ୟାନ୍ସମାନେ ତାଙ୍କୁ ଘେରି ଯାଇଥିଲେ । ଭିଡ ଏତେ ମାତ୍ରରେ ବଢିଯାଇଥିଲା ଯେ ଫ୍ୟାନ୍ସମାନଙ୍କୁ ସମ୍ଭାଳିବା କଷ୍ଟକର ହୋଇପଡିଥିଲା । ଏହାକୁ ଦେଖି ଶାହାରୁଖ୍ ତାଙ୍କ କାର ଉପରକୁ ଚଢି ଯାଇଥିଲେ ଏବଂ ତାଙ୍କ ଅଭିବାଦନ ଜଣାଇଥିଲେ ।
ଅଚାନକ୍ ଶାହାରୁଖଙ୍କୁ ଦେଖିବା ପରେ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଖେଳି ଯାଇଥିଲା, ଖାଲି ଚାରିଆଡୁ ଶୁଣିବାକୁ ମିଳୁଥିଲା କିଙ୍ଗ ଖାଁ । ଏହି ନାଁରେ ଫ୍ୟାନ୍ସ ଚିଲାଇବା ଆରମ୍ଭ କରିଦେଇଥିଲେ । ଏହି ମୁହୁର୍ତ୍ତର କିଛି ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାସହିତ ଏହି ଭିଡିଓକୁ ୟୁଜର୍ସ ଖୁବ୍ ପସନ୍ଦ ମଧ୍ୟ କରୁଛନ୍ତି ।
ସେପଟେ ଦୀର୍ଘ ଦିନ ହେବ ଶାହାରୁଖ ଇଣ୍ଡଷ୍ଟ୍ରିରୁ ଦୂରେଇ ରହିଥିଲେ ମଧ୍ୟ ତାଙ୍କ ଫ୍ୟାନଫଲୋଇଙ୍ଗ ଦିନକୁ ଦିନ ବଢୁଛି ସିନା କମିବାର ନା ଧରୁନି । ଏବେ ପୁଣି ଥରେ ସେ ପରଦାକୁ କମବ୍ୟାକ୍ କରିବେ ବୋଲି ଶୁଣିବାକୁ ମିଳୁଛି । ସେ ବହୁତ ଶୀଘ୍ର ବଲିଉଡ ଫିଲ୍ମ ‘ସତ୍ତେ ପେ ସତ୍ତା’ ର ରିମେକ୍ ରେ ନଜର ଆସି ପାରନ୍ତି । ।
