ମୁମ୍ବାଇ ( ଏଟିଆର ବ୍ୟୁରୋ): ବଲିଉଡ ଆକ୍ଟର ଜନ୍ ଅବ୍ରାହମ୍ ଓ ଇମ୍ରାନ ହାସିମ୍ ଏଥର ବନିବେ ଗ୍ୟାଙ୍ଗଷ୍ଟାର ! ଖବରର ଶିର୍ଷକ ପଢି ସାରିବା ପରେ ଆପଣ ପୁରା ଚିନ୍ତାରେ ପଡିଯାଇଛନ୍ତି ନାଁ ? ଏହି ଦୁଇ ବଲିଉଡ ଷ୍ଟାର କାହିଁକି ବନିବେ ଗ୍ୟାଙ୍ଗଷ୍ଟାର ? ୟାକୁ ନେଇ ଆପଣଙ୍କ ମନରେ ଅନେକ ପ୍ରଶ୍ନ ଆସୁଥିବ ନିଶ୍ଚୟ! ଆସିବା ବି ସ୍ୱାଭାବିକ । ହେଲେ ଆମେ କହୁନୁ ଏମାନଙ୍କ ରିଅଲ ଲାଇଫ କଥା । ଆମେ କହୁଛୁ ଏ ଦୁଇ ଷ୍ଟାର ରିଲ୍ ଲାଇଫର କଥା ।
ଫିଲ୍ମ ନିର୍ମାତା ସଞ୍ଜୟ ଗୁପ୍ତାଙ୍କ ଗ୍ୟାଙ୍ଗଷ୍ଟାର ଡ୍ରାମା ଉପରେ ଆଧାରିତ ଆଗାମୀ ଫିଲ୍ମରେ ଏହି ଦୁଇ କଳାକାର ଏକା ସାଥିରେ ନଜର ଆସିବେ । ଏ ନେଇ ସିନେମାର ନିର୍ମାତା ଖୋଦ ସଞ୍ଜୟ ଗୁପ୍ତା ସୂଚନା ଦେଇଛନ୍ତି । ଏକ ଜାତୀୟ ଗଣମାଧ୍ୟମକୁ ପ୍ରତିକ୍ରିୟା ଦେଇ ସଞ୍ଜୟ କହିଛନ୍ତି ଜନ୍ଙ୍କ ସହିତ ଏହା ମୋର ତୃତୀୟ ସିନେମା ହୋଇଥିବା ବେଳେ ଇମ୍ରାନଙ୍କ ସହିତ ଏହା ମୋର ପ୍ର୍ରଥମ କାମ । ଯାହାକୁ ନେଇ ମୁଁ ବହୁତ ଉତ୍ସାହିତ ରହିଛି ବୋଲି ସଞ୍ଜୟ କହିଛନ୍ତି ।
ସୂଚନାଯୋଗ୍ୟ ଜନଙ୍କ ସହିତ ସଞ୍ଜୟ “ସୁଟ ଆଉଟ’’, “ଜିନ୍ଦା’’ ସିନେମାରେ କାମ କରିଛନ୍ତି । ତେବେ ସିନେମାଟି କେବେ ଫ୍ଲୋରକୁ ଆସିବ ସେନେଇ କୌଣସି ସୂଚନା ମିଳିନାହିଁ । ଏହି ସିନେମାର ଟାଇଟଲ କ’ଣ ରହିବ ତାହା ମଧ୍ୟ ସ୍ଥିର ହୋଇନାହିଁ । ସିନେମାଟି ଟି ସିରିଜ ବ୍ୟାନରରେ ନିର୍ମାଣ ହେବ ବୋଲି ସୂଚନା ମିଳିଛି ।
