ବାଲେଶ୍ୱର ( ଏଟିଆର ବ୍ୟୁରୋ): ଚଳନ୍ତା ବସରେ ନିଆଁ । ଅଳ୍ପକେ ବର୍ତ୍ତୀଲେ ଯାତ୍ରୀ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ୧୬ ନମ୍ବର ଜାତୀୟ ରାଜପଥ ଡାହାଣୀଗାଡିଆ ନିକଟରେ । ବାଳେଶ୍ୱରରୁ କଟକ ଆଭିମୁଖ ଆସୁଥିବା ବବି ନାମକ ଏକ ଘରୋଇ ବସରେ ଅଚାନକ ନିଆଁ ଲାଗିଯାଇଥିବା ଦେଖିବାକୁ ମିଳିଥିଲା । ଯାହାକୁ ନେଇ ବସରେ ଥିବା ସମସ୍ତ ଯାତ୍ରୀ ଭୟଭିତ ହୋଇଯାଇଥିଲେ । ବସରେ ନିଆଁ ଦେଖି ହୋ ହାଲ୍ଲା ଆରମ୍ଭ ହୋଇ ଯାଇଥିଲା ।
ରାସ୍ତାରେ ଯାଉଥିବା ଅନ୍ୟ ଲୋକ ମାନେ ମଧ୍ୟ ବସ ଭିତରେ ଯାତ୍ରୀଙ୍କ ହୋ ହାଲ୍ଲା ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ । ମାତ୍ର ବସ ଡ୍ରାଇଭରଙ୍କ ଉପଯୁକ୍ତ ବୁଦ୍ଧି ପାଇଁ ଗୋଟେ ଭୟଙ୍କର ଅଘଟଣରୁ ସମସ୍ତ ଯାତ୍ରୀ ରକ୍ଷା ପାଇ ଯାଇଛନ୍ତି ।
ସୂଚନା ଅନୁସାରେ ୧୬ନମ୍ବର ଜାତୀୟ ରାଜପଥ ଡାହାଣୀଗାଡିଆ ନିକଟରେ ଶୀତତାପ ନିୟନ୍ତ୍ରିତ ବସ ବବିରେ ହଟାତ ନିଆଁ ଲାଗିଯାଇଥିଲା । ଏହି କଥା ବସ ଡ୍ରାଇଭର ଜାଣିପାରି ସାଙ୍ଗ ସାଙ୍ଗ ବସଟିକୁ ରାସ୍ତାରେ ରଖି ଦେଇଥିଲେ । ଏହାପରେ ସମସ୍ତ ଯାତ୍ରୀ ବସରୁ ଓହ୍ଲାଇପଡିଥିଲେ । ଫଳରେ ଏକ ବଡ ଦୁଧର୍ଘଟଣାରୁ ସମସ୍ତ ଯାତ୍ରୀ ଅଳ୍ପକେ ବର୍ତ୍ତୀ ଯାଇଛନ୍ତି ।
