ନୟାଗଡ଼,(ଏଟିଆରବ୍ୟୁରୋ): ସର୍ବ ସମ୍ମୁଖରେ ଗୁଳିମାଡ଼ । ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଗୁଳିମାଡ଼ କରିଛନ୍ତି ଦୁର୍ବୃତ୍ତ । ଏଭଳି ଘଟଣା ଘଟିଛି ନୟାଗଡ଼ରେ । ତେବେ କିଏ ଓ କାହିଁକି ଏହି ଗୁଳିମାଡ଼ କରିଛି ସେନେଇ କୌଣସି ସୂଚନା ମିଳିପାରିନାହିଁ । ପୁଲିସ ଘଟଣାସ୍ଥଳକୁ ଆସି ତଦନ୍ତ ଆରମ୍ଭ କରିଛି । ସବୁଠୁ ବଡ଼ କଥା ହେଉଛି ଶ୍ରମିକ ପଞ୍ଜିକରଣ ଚାଲିଥିବା ବେଳେ ଏହି ଗୁଳିକାଣ୍ଡ ଘଟିଛି । ଗୁଳିମାଡ଼ରେ ଆହତ ହୋଇଥିବା ଶ୍ରମ ଅଧିକାରୀ ଜଣଙ୍କ ହେଉଛନ୍ତି ମୁରଲି ବାରିକ ।
ରିପୋର୍ଟ ଅନୁସାରେ, ଦଶପଲ୍ଲା ଥାନା ମଧ୍ୟଖଣ୍ଡ ପଂଚାୟତରେ ଶ୍ରମିକ ପଞ୍ଜିକରଣ ହୋଇଥିଲା । ମୁରଲି ଏହି ପଞ୍ଜିକରଣ କରାଉଥିଲେ । ତେବେ ଅଚାନକ୍ ଜଣେ ଯୁବକ ଆସି ତାଙ୍କ ଉପରକୁ ଗୁଳିମାଡ଼ କରିଥିଲେ । ତେବେ ଭାଗ୍ୟଭଲ ଗୁଳିଟି ମୁରଲିଙ୍କ ଗୋଡରେ ବାଜିଥିଲା । ଉପସ୍ଥିତ ଲୋକେ ରକ୍ତ ଜୁଡୁବୁଡୁ ଅବସ୍ଥାରେ ମୁରଲିଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରାଇଥିଲେ । ତେବେ ଏନେଇ ଆମେ ଦଶପଲ୍ଲା ପୁଲିସ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ପୁଲିସ ପକ୍ଷରୁ କୌଣସି ପ୍ରତିକ୍ରୀୟା ମିଳିପାରିନାହିଁ ।
