ରାୟଗଡା(ଏଟିଆର ବ୍ୟୁରୋ): ନିଜକୁ ନକ୍ସଲ ପରିଚୟ ଦେଇ ଜଣେ କନଷ୍ଟେବଳ ଗତ କିଛି ଦିନ ଜୟପୁର ଅଞ୍ଚଳରେ ଚାନ୍ଦା ଆଦାୟ କରୁଥିଲେ । ଏହି ପରିକି ମୁହଁରେ ମୁଖା ପିନ୍ଧି ବନ୍ଧୁକ ଦେଖାଇ ଧମକ ମଧ୍ୟ ଦେଇଥିଲେ । ସୂଚନା ଅନୁସାରେ ନିଜକୁ ନକ୍ସଲ ପରିଚୟ ଦେଇ ଜୟପୁର ଅଞ୍ଚଳରେ ଜଣେ କଣ୍ଟ୍ରାକ୍ଟର ଠାରୁ ଟଙ୍କା ଲୁଟୁ ଥିଲେ ଡିଭିଏପ କନଷ୍ଟେବଳ ଜି. ଶ୍ରୀକାନ୍ତ କୁମାର । କଣ୍ଟ୍ରାକ୍ଟର ଶବନ କୁମାର ମାହାନ୍ତି ଏନେଇ ପୋଲିସରେ ଏତଲା ଦେଇଥିଲେ । ଏହା ପରେ ପୋଲିସ ଶ୍ରୀକାନ୍ତଙ୍କୁ ଗିରଫ କରିଥିଲା । ତାଙ୍କ ନିକଟରୁ ଗୋଟିଏ ନାଇନ ଏମଏମ ପିସ୍ତଲ, ୨୪ ରାଉଣ୍ଡ ଗୁଳି, ୩ଟି ମୋବାଇଲ ସହ ଗୋଟିଏ ସ୍କୁଟି ଜବତ କରିଛି ପୋଲିସ ।
ତେବେ ଶବନ ବିଷକମଟ ଅଞ୍ଚଳରେ ରାସ୍ତା କାମ କରନ୍ତି । ଏଥି ପାଇଁ ଶବନଙ୍କୁ ଶ୍ରୀକାନ୍ତ ଟଙ୍କା ମାଗୁଥିଲେ । ହେଲେ ଟଙ୍କା ନପାଇବାରୁ ଶ୍ରୀକାନ୍ତ ମୁହଁରେ ମୁଖା ପିନ୍ଧି ଶବନଙ୍କ ସୁବରଭାଇଜରଙ୍କୁ ବନ୍ଧୁକ ଦେଖାଇ ଟଙ୍କା ମାଗିବା ସହ ଧମକ ଦେଇଥିଲେ । ଏହା ପରେ ଶବନଙ୍କୁ ଫୋନ କରି ଧମକ ଦବା ସହ ଟଙ୍କା ମାଗିଥିଲେ । ତେବେ ପୋଲିସ ଶ୍ରୀକାନ୍ତଙ୍କୁ ଗିରଫ କରିବା ସହ ତାଙ୍କର ନକ୍ସଲ ସହିତ ସର୍ମ୍ପକ ଅଛି କି ନାହିଁ ଜାଣିବାକୁ ଚେଷ୍ଟା କରୁଛି ।
