ଯାଜପୁର(ଏଟିଆର ବ୍ୟୁରୋ):ପ୍ରଥମେ ପ୍ରେମ , ତାପରେ ଧୋକା । ଏହିଭଳି ଘଟଣା ଏବେ ସାଧାରଣ ହୋଇଗଲାଣି । ପ୍ରତ୍ୟେକ ଦିନ ଏଭଳି କିଛି ନା କିଛି ଘଟଣା ସାମ୍ନାକୁ ଆସିଥାଏ । ଏବେ ପୁଣି ଏକ ମାମଲା ବିଞ୍ଜାରପୁରରେ ଦେଖିବାକୁ ମିଳିଛି । ବିଞ୍ଜାରପୁରରେ ଛାତ୍ର ସଭାପତି ତଥା ଯୁବନେତା ଭାବେ କାର୍ଯ୍ୟ କରୁଥିବା ଜିତେନ୍ଦ୍ର କୁମାରଙ୍କ ନାଁରେ ଏହିଭଳି ଏକ ସଙ୍ଘିନ ଅଭିଯୋଗ ଆଣିଛନ୍ତି ଜଣେ ନର୍ସ ।
ନର୍ସଙ୍କ ଅଭିଯୋଗ ମୁତାବକ , ଜିତେନ୍ଦ୍ରଙ୍କ ସହିତ ତାଙ୍କର ପାରିବାରିକ ସମ୍ପର୍କ ରହିଛି । ଏହା ସହିତ ଜିତେନ୍ଦ୍ର ତାଙ୍କୁ ବିଗତ ୭ବର୍ଷ ହେବ ପ୍ରେମ କରିଆସୁଥିଲେ । ବିବାହର ପ୍ରତିଶୃତି ଦେଇ ତାଙ୍କ ସହ ଶାରୀରିକ ସମ୍ପର୍କ ମଧ୍ୟ ରଖୁଥିଲେ । ନର୍ସ ଜଣକ ବିବାହ ପାଇଁ କହିବାରୁ ଜିତେନ୍ଦ୍ର ସବୁ କଥାକୁ ଏଡାଇ ଦେଉଥିଲା । ମାତ୍ର ନର୍ସଙ୍କ ସହିତ ସମ୍ପର୍କରେ ଥାଇ ମଧ୍ୟ ଜିତେନ୍ଦ୍ରଙ୍କର ବିବାହ ଅନ୍ୟ ଏକ ସ୍ଥାନରେ ସ୍ଥିର ହୋଇଥିବା ଖବର ନର୍ସଙ୍କ କାନରେ ପଡିଥିଲା । ଏହାପରେ ନର୍ସ ଜଣଙ୍କ ସମ୍ପୂର୍ଣ୍ଣ ଭାଙ୍ଗି ପଡିବା ସହ ନିରାଶ ହୋଇଥିଲେ । ସେ ଏହି ବାବଦରେ ବିଞ୍ଜାରପୁର ଥାନାକୁ ଯାଇ ଅଭିଯୋଗ କରିଥିଲେ । ଅନ୍ୟପଟେ ଜିତେନ୍ଦ୍ର ଏହି ଘଟଣାକୁ ଖଣ୍ଡନ କରିବା ସହ ଏ ବାବଦରେ କୌଣସି ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି । ତେବେ ଏହି ଘଟଣାଟି ସାମ୍ମନାକୁ ଆସିବା ପରେ ଜିଲ୍ଲା ବିଜେଡିର ସଭା ସରୋଜ ମାହାପାତ୍ର ଦଳରୁ ନିଲମ୍ବିତ କରିଛନ୍ତି ଜିତେନ୍ଦ୍ରଙ୍କୁ । ପୋଲିସ ଏ ବାବଦରେ ଏକ ମାମଲା ରୁଜୁ କରିଛି ।
