ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଫିଲ୍ମରେ ଅଭିନେତା ନବାଜୁଦ୍ଦିନ ସିଦ୍ଦିକିଙ୍କର ଭିନ୍ନ କ୍ରେଜ୍ ରହିଛି । ସେ ଯେଉଁ ଫିଲ୍ମରେ କାମ କରନ୍ତି ଖୁବ୍ ଚର୍ଚ୍ଚାକୁ ଆସିଥାନ୍ତି । ଦର୍ଶକ ବି ନବାଜୁଦ୍ଦିନଙ୍କ ଅଭିନୟରେ ଦିୱାନା । କେବଳ ବଲିଉଡ ନୁହେଁ ହଲିଉଡରେ ବି ତାଙ୍କର ଫିଲ୍ମ ଅଭିନୟ ପାଇଁ ସେ ଖୁବ୍ ଚର୍ଚ୍ଚିତ ।
ତାଙ୍କର ଅଭିନୟ ପାଇଁ ତାଙ୍କୁ ଖୁବ୍ ଶୀଘ୍ର ବ୍ଲେସରେ ଆୟୋଜିତ କାର୍ଡିଫ ଇଂଟରନାସନାଲ ଫିଲ୍ମ ଫେଷ୍ଟୱାଲ ୨୦୧୯ରେ ସମ୍ମାନିତ କରାଯିବ । ଅକ୍ଟୋବର ୨୪ ରୁ ୨୭ ଯାଏଁ ଏହି ଫେଷ୍ଟିୱାଲ ହେବ । ଏଥିରେ ନବାଜୁଦ୍ଦିନଙ୍କୁ ସମ୍ମାନିତ କରାଯିବ । ରିପୋର୍ଟ ମୁତାବକ ଫେଷ୍ଟିୱାଲର ଶେଷ ଦିନ ନବାଜୁଦ୍ଦିନଙ୍କୁ ଗୋଲ୍ଡେନ ଆୱାର୍ଡରେ ସମ୍ମାନିତ କରାଯିବ ।
ସିନେମା ଜଗତରେ ନିଜର ଯୋଗଦାନ ଦେବା ପାଇଁ ନବାଜୁଦ୍ଦିନଙ୍କୁ ଏହି ସମ୍ମାନରେ ସମ୍ମାନିତ କରାଯିବ । ଏହି ସମ୍ମାନ ମିଳିବା ଖୁସିରେ ନବାଜୁଦ୍ଦିନ କହିଛନ୍ତି କି, ‘କାର୍ଡିଫ ଫିଲ୍ମ ଫେଷ୍ଟିୱାଲର ଅଂଶିଦାର ହୋଇ ମୁଁ ବହୁତ ଉତ୍ସାହିତ ଏବଂ ଏଥିରେ ଯୋଗ ଦେବାକୁ ମୁଁ ଅପେକ୍ଷା କରିଛି ।’
୨୦୧୬ ମସିହାରେ ଏହି ଫେଷ୍ଟିୱାଲ ଆରମ୍ଭ ହୋଇଥିଲା । ଚଳିତ ବର୍ଷର ଏହି ଫେଷ୍ଟିୱାଲରେ ଜୁରୀ ମେମ୍ବର୍ସ ଭାବେ ଅନୁରାଗ କଶ୍ୟପ, ଫ୍ଲୋରେନ୍ସ ଆଇସି,ଜନ ଅଲ୍ଟମ୍ୟାନ, ଜୋ ଫେରେରା, କିଥ୍ ବିଲିୟମ୍ସ, ଦିବ୍ୟଙ୍କା ତ୍ରିପାଠି ଦହିୟା, ନାର୍ମେନ ଜେ ୱାରେନ୍, କିଂବର୍ଲି ନିକ୍ସନ, ଜାନି ଓଭେନ, ମାରିୟା ପ୍ରାଇଡ କାଇ ଓଭେନ ଏବଂ ମ୍ୟାଥ୍ୟୁ ରିସ୍ ସାମିଲ ଅଛନ୍ତି ।
