ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମରେ ଡେବ୍ୟୁ କରି ସାରିଲେଣି କିଙ୍ଗ ଖାନ୍ ମାନେ ଶାହରୁଖ ଖାନ୍ ଙ୍କ ଝିଅ ସୁହାନା ଖାନ୍ । ତାଙ୍କର ସର୍ଟ ଫିଲ୍ମ ‘ଦି ଗ୍ରେ ପାର୍ଟ ଅଫ୍ ବ୍ଲୁ’ ରିଲିଜ୍ ହୋଇ ସାରିଛି । ଏହି ଫିଲ୍ମଟି ରିଲିଜ୍ ହେବା ମାତ୍ରେ ହିଁ ଧମାଲ ମଚାଇଛି । ଏଥିରେ ସୁହାନାଙ୍କ ଜବରଦସ୍ତ ଆକ୍ଟିଂ ଦେଖିବାକୁ ମିଳିଛି ।
ଫିଲ୍ମଟିକୁ ୟୁଟ୍ୟୁବରେ ଏପର୍ଯ୍ୟନ୍ତ ଲକ୍ଷାଧିକ ଲୋକ ଦେଖିସାରିଲେଣି । ଫିଲ୍ମଟିକୁ ଦେଖିବା ପରେ ସୁହାନାଙ୍କ ଆକ୍ଟିଂକୁ ନେଇ ଦର୍ଶକ ସେମାନଙ୍କର ପ୍ରତିକ୍ରିୟା ରଖିଛନ୍ତି । ଦର୍ଶକଙ୍କ କହିବାନୁଯାୟୀ ବଲିଉଡରେ ସୁହାନାଙ୍କ ଏଣ୍ଟ୍ରି ହେବା ପରେ ସେ ସମସ୍ତ ଅଭିନେତ୍ରୀଙ୍କୁ କାଟି ଦେବେ । ଏହାସହିତ ସୁହାନଙ୍କର ଏହି ଜବରଦସ୍ତ ସର୍ଟ ଫିଲ୍ମ ପାଇଁ ଦର୍ଶକଙ୍କଠାରୁ ପ୍ରଶଂସାର ସୁଅ ଛୁଟୁଛି । କେବଳ ଏତିକି ନୁହେଁ ଏହି ଫିଲ୍ମରେ ଏକ ହାଜାରରୁ ଅଧିକ କମେଣ୍ଟ ମଧ୍ୟ ଆସି ସାରିଲାଣି । ସବୁଠୁ ବଡ କଥା ହେଉଛି ଫିଲ୍ମଟି ଇଂରେଜ ଭାଷାରେ ନିର୍ମାଣ କରାଯାଇଛି । ଏହାକୁ ନିର୍ଦ୍ଦେଶନା ଦେଇଛନ୍ତି ଥିୟୋଡର ଗିମେନା ।
