କଣ୍ଟାବାଞ୍ଜି (ଏଟିଆର ବ୍ୟୁରୋ): ଟ୍ରେନ ଯୋଗେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଅନେକ ସାମଗ୍ରୀ ନେବା ଆଣିବା କରାଯାଇଥାଏ । ହେଲେ ଆଜି ଏକ ବଡଧରଣର ଅଘଟଣ ଘଟିବାରୁ ରକ୍ଷା ପାଇଛି ଏକ ଚଳନ୍ତା ଟ୍ରେନ । ଚଳନ୍ତା କୋଇଲା ବୋଝେଇ ଟ୍ରେନରେ ଦୁଇ ଦୁଇଥର ଲାଗିଲା ନିଆଁ । ଟ୍ରେନଟି ବିଶାଖାପାଟଣାରୁ ରାୟପୁର ଅଭିମୁଖେ ଯାଉଥିଲା । ସୂଚନା ମୁତାବକ, ଆଜି ସକାଳେ ପ୍ରଥମେ ରହେନଭଟା ରେଲୱେ ଷ୍ଟେସନରେ କୋଇଲା ବୋଝଇ ଟ୍ରେନର ଦୁଇଟି ବଗିରେ ଲାଗିଥିଲା ନିଆଁ ।
ନିଆଁଟିକୁ ସଙ୍ଗେ ସଙ୍ଗେ ଆୟତ କରାଯାଇଥିଲା ଓ ଏହାପରେ ଟ୍ରେନଟି ରାୟପୁର ଅଭିମୁଖେ ବାହାରିଥିଲା । ହେଲେ କିଛି ବାଟ ଯିବା ପରେ ଟ୍ରେନଟିର ବଗିରେ ପୁନଃବାର ନିଆଁ ଲାଗିଯାଇଥିଲା । ଯାହାକୁ ଦେଖି ମୁରିବାହାଲ ଷ୍ଟେସନ ମାଷ୍ଟର, କଣ୍ଟାବଞ୍ଜି ଷ୍ଟେସନ ମାଷ୍ଟର ସୂଚନା ଦେଇଥିଲେ । ସୂଚନା ମିଳିବା ପରେ ଘଟଣା ସ୍ଥଳରେ ଦମକଳବାହୀନୀ ପହଞ୍ଚିବା ସହ ନିଆଁକୁ ଆୟତ କରିବା ସହ କେଉଁ କାରଣରୁ ନିଆଟି ଲାଗିଲା ତାହାର ତଦନ୍ତ କରିଥିଲା ।
