କାର ସହ ୨କୁଇଁଟାଲ ଗଞ୍ଜେଇ ଜବତ, ୨ ଅଟକ

ଭୁବନେଶ୍ୱର,(ଏଟିଆର ବ୍ୟୁରୋ): ରାତି ଅଧରେ ଚୋରା ଚାଲାଣ ହେଉଥିବା ଏକ ଗଞ୍ଜେଇ ର୍ୟାକେଟକୁ ଠାବ କରିଛି କ୍ୟୁଏଟି । ପାଖାପାଖି ୨କୁଇଁଟାଲ ଗଞ୍ଜେଇ ଜବତ କରିବା ସହ ଘଟଣାରେ ୨ଜଣଙ୍କୁ ମଧ୍ୟ ଖଣ୍ଡଗିରି ଥାନାରେ ଅଟକ ରଖାଯାଇଛି । ଏହି ଘଟଣାରେ ଏକ ସ୍କୋଡା କାରକୁ ପୁଲିସ ଜବତ କରିଛି । ତେବେ ଗଞ୍ଜେଇ କେଉଁଠୁ ଆସିଥିଲା ଓ କୁଆଡେ ଯାଉଥିଲା ସେନେଇ ଅଧିକ ତଦନ୍ତ ଜାରି ରହିଛି ।

ପ୍ରାଥମିକ ରିପୋର୍ଟରୁ ଗଞ୍ଜେଇ ଫୁଲବାଣୀରୁ ଆସିଥିବା ପୁଲିସ ଜାଣିବାକୁ ପାଇଛି । ମିଳିଥିବା ରିପୋର୍ଟ ଅନୁସାରେ, ଏକ କାରରେ ଗଞ୍ଜେଇ ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇଥିଲା କ୍ୟୁଏଟି । ପୂର୍ବରୁ ସଜାଗ ଥିବା ଟିମ ଗଞ୍ଜେଇ ଭର୍ତି ହୋଇଯାଉଥିବା କାରକୁ ବରମୁଣ୍ଡାରେ ଅଟକାଇଥିଲା । ଗାଡି ଭିତରେ ଏତେ ପରିମାଣର ଗଞ୍ଜେଇ ଦେଖି ପ୍ରଥମେ ପୁଲିସ ବି ଚକମା ଖାଇଯାଇଥିଲା । ଏହି ଘଟଣାରେ ଖୋର୍ଦ୍ଧାର ଗାଡି ମାଲିକ ଇଶାକ ସମେତ ତାଙ୍କ ଡ୍ରାଇଭରକୁ ଅଟକ ରଖାଯାଇଛି ।