ମୁମ୍ବାଇ (ଏଟିଆର ବ୍ୟୁରୋ): ଗତ ଜାନୁଆରୀ ୧୦ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଅଜୟ ଦେବଗନଙ୍କ ଫିଲ୍ମ ତାନାଜୀ: ଦି ଅନସଙ୍ଗ ୱାରିଅର । ଫିଲ୍ମଟିକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି । ଇତି ମଧ୍ୟ ଏହି ଫିଲ୍ମକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଆଜ୍ଞା ହଁ ୟୁପି ରେ ଫିଲ୍ମକୁ ଟ୍ୟାକ୍ସ ଫ୍ରି କରାଯାଇଛି ।
ଅଜୟଙ୍କ ଫିଲ୍ମ ସହିତ ଦୀପିକାଙ୍କ ଛପାକ୍ ବି ରିଲିଜ୍ ହୋଇଥିଲା । ସେହିପରି ଛପାକ୍ କୁ ବି ୩ଟି ରାଜ୍ୟରେ ଟ୍ୟାକ୍ସ ଫ୍ରି କରାଯାଇଥିଲା । ସେହି ରାଜ୍ୟ ମଧ୍ୟରେ ମଧ୍ୟପ୍ରଦେଶ, ଛତିଶଗଡ ଏବଂ ରାଜସ୍ଥାନ ସାମିଲ ଅଛି । ଅନ୍ୟପଟେ ତାନାଜୀକୁ ବି ଟ୍ୟାକ୍ସ ଫ୍ରି କରିବାକୁ ଦାବି କରାଯାଉଥିଲା କିନ୍ତୁ ଏପର୍ଯ୍ୟନ୍ତ ଏହି ୩ଟି ରାଜ୍ୟରେ ଫିଲ୍ମକୁ ଟ୍ୟାକ୍ସ ଫ୍ରି କରାଯାଇ ନାହିଁ ।
ୟୁପିରେ ଫିଲ୍ମ ତାନାଜୀକୁ ଟ୍ୟାକ୍ସ ଫ୍ରି କରିବାର ପ୍ରଭାବ ଫିଲ୍ମ କଲେକ୍ସନ ଉପରେ ପଡିପାରେ । ଏପର୍ଯ୍ୟନ୍ତ ଫିଲ୍ମଟି ୬୧.୭୫ କୋଟି ଟଙ୍କା ଆୟ କରିଛି । ସେହିଭଳି ୟୁପି ଭଳି ବଡ ରାଜ୍ୟରେ ଫିଲ୍ମକୁ ଟ୍ୟାକ୍ସ ଫ୍ରି କରିବା ଦ୍ୱାରା ଫିଲ୍ମକୁ ଦେଖିବା ପାଇଁ ଦର୍ଶକଙ୍କ ଭିଡ ଜମିପାରେ । ଆଶା କରାଯାଉଛି କି ଆଗାମୀ ୨ ରୁ ୩ ଦିନ ମଧ୍ୟରେ ଫିଲ୍ମଟି ୧୦୦ କୋଟି କ୍ଲବରେ ସାମିଲ ହେବ ।
