ମୁମ୍ବାଈ(ଏଟିଆର ବ୍ୟୁରୋ):ଟିଭି ପରଦାରେ ନିଜ ଅଭିନୟରେ ଯାଦୁ ଦେଖାଇ ଅନେକ ଲୋକପ୍ରିୟତା ହାସଲ କରିଥିବା କଳାକାରମାନେ ଏବେ ବଲିଉଡ ମୁହାଁ ହେଉଛନ୍ତି । ଆଗରୁ ଅନେକ କଳାକାର ଅଛନ୍ତି ଯେଉଁମାନେ ଛୋଟ ପରଦାରୁ ବଡ ପରଦାରେ ପାଦ ରଖିଛନ୍ତି । ସେମାନେ ହେଲେ ସୁଶାନ୍ତ ସିଂ ରାଜପୁତ, ପ୍ରାଚୀ ଦିଶାଇ, ହଂସିକା ମୋଟୱାନି, ଗୁରୁମିତ୍ ଚୌଧୁରୀ ଏବଂ ଶୃତି ସେଠ, । ଚଳିତ ବର୍ଷ ଆଉ କିଛି କଳାକାର ମାନଙ୍କୁ ବଡ ପରଦାରେ ଦେଖିବାକୁ ମିଳିବ । ତେବେ ଆସନ୍ତୁ ଜାଣିବା ବଲିଉଡରେ କେଉଁ କେଉଁ ଅଭିନେତ୍ରୀ ଡେବ୍ୟୁ କରିବାକୁ ଯାଉଛନ୍ତି ।
ମୌନି ରାୟ:ଫିଲ୍ମ ଗୋଲ୍ଡ ଜରିଆରେ ମୌନି ବଲିଉଡରେ ପାଦ ଥାପିବାକୁ ଯାଉଛନ୍ତି ।ଏଥିରେ ଅଭିନେତା ଅକ୍ଷୟ କୁମାରଙ୍କ ବିପରୀତରେ ଅଭିନୟ କରୁଥିବାର ମୌନିଙ୍କୁ ଦେଖିବାକୁ ମିଳିବ । ଫିଲ୍ମଟି ଆଗାମୀ ବର୍ଷ ଅଗଷ୍ଟ ୧୫ ରେ ରିଲିଜ୍ ହେବ ।
ଦୀପିକା କକ୍କଡ: ଟିଭି ସିରିଏଲ ଶଶୁରାଲ ସିମରରେ ଲୋକପ୍ରିୟ ହାସଲ କରିବା ପରେ ଦୀପିକା ଏବେ ଜେ ପି ଦତ୍ତା ପଲଟନରେ ଡେବ୍ୟୁ କରିବାକୁ ଯାଉଛନ୍ତି ।
ଅଙ୍କିତା ଲୋଖଣ୍ଡେ: ଅଙ୍କିତା ଖୁବ୍ ଶୀଘ୍ର କଙ୍ଗନା ରଣାୱତଙ୍କ ଫିଲ୍ମ ମଣିକର୍ଣ୍ଣିକାରେ ଝାନ୍ସୀ ରାଣୀ ଭୂମିକାରେ ନଜର ଆସିବେ । ଫିଲ୍ମଟି ଅପ୍ରିଲ ୨୭ ରେ ରିଲିଜ୍ ହେବ ।
ମୃଣାଳ ଠାକୁର: କୁମକୁମ୍ ଭାଗ୍ୟର ଫେମ୍ ମୃଣାଳ ଏବେ ହ୍ରିତିକ୍ ରୋଶନଙ୍କ ସୁପର ୩୦ ରେ ନଜର ଆସିବେ ।
ନିକିତା ଦତ୍ତା: ଟିଭି ସିରିଏଲ ‘ଡ୍ରିମ୍ ଗର୍ଲ’ ଏବଂ ‘ଏକ ଦୁଜେକେ ବାସତେ’ ନଜର ଆସିଥିବା ନିକିତା ଏବେ ଫିଲ୍ମ ଗୋଲ୍ଡ ରେ ଏଣ୍ଟ୍ରି ମାରିବାକୁ ଯାଉଛନ୍ତି ।
କୃତିକା କାମ୍ରା: ନିକଟରେ ସିରିଏଲ ଚନ୍ଦ୍ରକାନ୍ତା ରେ ନଜର ଆସିଥିବା କୃତିବା ଏବେ ଏକ ସାଉଥ୍ ରିମେକ ଫିଲ୍ମରେ ନଜର ଆସିବେ ।
ପୁଜା ଗୌର:ଛୋଟ ପରଦାରେ ଅନେକ ସୋ’କରିଥିବା ପୂଜାଙ୍କୁ ଏବେ ଅଭିନେତା ରଣବୀର ସିଂଙ୍କ ସହ ଅଭିନୟ କରୁଥିବାର ଦେଖିବାକୁ ମିଳିବ ।
