ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡରେ ପ୍ରେମ ଓ ପାରିବାରିକ କାହାଣୀକୁ ଛାଡି ଦେଲେ ଏକ ଭିନ୍ନ ସ୍ୱାଦର ଚଳଚ୍ଚିତ୍ର ଦେଖିବାକୁ ପାଇବେ ଦର୍ଶକ । ନାରାୟଣ ସାହୁଙ୍କ ଦ୍ୱାରା ପ୍ରଜୋଯିତ ଏହି ଚଳଚ୍ଚିତ୍ରଟିର ନାମ ରହିଛି ‘ରହସ୍ୟ’ । ଟାଇଟାଲ ଅନୁଯାୟୀ ଚଳଚ୍ଚିତ୍ରଟି ଖୁବ୍ ରହସ୍ୟମୟ ହୋଇଛି ।
ଭୂତ କାହାଣୀ ଉପରେ ଆଧାରିତ ଏହି ଚଳଚ୍ଚିତ୍ରରେ ଉଚ୍ଚକୋଟୀର ଭିଏଫକ୍ସ ସହିତ ଗାଫିକ୍ସ କାମ ହୋଇଛି । ନିକଟରେ ଆଞ୍ଜେଲ ବି ମିଡିଆ ବ୍ୟାନରରେ ନିର୍ମିିତ ହେବାକୁ ଯାଉଥିବା ଫିଲ୍ମ ‘ରହସ୍ୟ’ର ଟ୍ରେଲର ରିଲିଜ ହୋଇସାରିଛି । ଏହି ଟ୍ରେଲରରେ ଅତୀତର ଏକ ଦୃଶ୍ୟ ଦେଖିବାକୁ ମିଳୁଛି । ଯାହା ପୂର୍ବରୁ ଏଭଳି ଟ୍ରେଲର କେବେ ଓଡିଆ ଇଣ୍ଡଷ୍ଟ୍ରିରେ ଦେଖିବାକୁ ମିଳିନଥିଲା । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ବିଘ୍ନେଶ୍ୱର ପଣ୍ଡା । ଏବଂ ସଂଗୀତର ଭାର ତୁଲାଇଛନ୍ତି ଶାନ୍ତନୁ । କାହାଣୀକୁ ନେଇ ଅନେକ ମନଲୋଭା ଗୀତ ଶୁଣିବାକୁ ମିଳିବ ଏହି ଚଳଚ୍ଚିତ୍ରରେ ।
ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଛନ୍ତି କାଉଁରି କନ୍ୟା ର ଅଭିନେତ୍ରୀ କାବ୍ୟା ଏବଂ ଅଙ୍କିତା ମହାନ୍ତି। ଏବଂ ତାଙ୍କ ବିପରୀତରେ ଦେଖିବାକୁ ମିଳିବ ନବାଗତ ତୁଷାର ଏବଂ ବିଘ୍ନେଶ୍ୱର ପଣ୍ଡାଙ୍କୁ । ଏମାନଙ୍କ ବ୍ୟତୀତ ଜଗନ୍ନାଥ ଘୋଷ, ଅଂଶୁମାନ ଶାମଲ, ସୁଦୀପ୍ତା, ଏବଂ ବିକାଶ ରଂଜନଙ୍କୁ ଅଭିନୟ କରୁଥିବାର ଦେଖିବାକୁ ମିଳିବ ।
ଅଙ୍କିତା ମହାନ୍ତି ହେଉଛନ୍ତି ଜଣେ ଖୁବ ଜଣାଶୁଣା ଆଙ୍କର ଏବଂ ମଡେଲ ତାଙ୍କର ଏହି ପ୍ରଥମ ଚଳଚ୍ଚିତ୍ର ଟି ଦର୍ଶକଙ୍କୁ କେତେ ପସନ୍ଦ ଆସିବ ତାହା ଚଳଚ୍ଚିତ୍ର ରିଲିଜ ହେବା ପରେ ହିଁ ଜଣାପଡିବ ।
ଆଞ୍ଜଲ ବି ବ୍ୟାନରରେ ନିର୍ମିତ ଓଲିଉଡର ପ୍ରଥମ ଥ୍ରୀଡି ଚଳଚ୍ଚିତ୍ର ଥିଲା କାଉଁରିକନ୍ୟା । ଏହା ଦର୍ଶକଙ୍କ ପାଇଁ ଖୁବ୍ ସୁନ୍ଦର ଭେଟି ଥିଲା । ଏବେ ଏହି ବ୍ୟାନରରେ ଦ୍ୱିତୀୟ ଫିଲ ‘ରହସ୍ୟ’ ଦର୍ଶକଙ୍କ ମନ ଜିଣିବ ବୋଲି ଆଶା ।
