ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ଗୋଟେ ପଟେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଅନ୍ୟପଟେ ସୁସ୍ଥଙ୍କ ସଂଖ୍ୟା ବି ବୃଦ୍ଧି ପାଉଛି । ଆଜି ରାଜ୍ୟରେ ପୁଣି ଆଉ ୨୦୩ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ସମସ୍ତଙ୍କୁ ଏବେ ହସ୍ପିଟାଲରୁ ଡିସଚାର୍ଜ କରିଦିଆଯାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ଆଜି ସୁସ୍ଥ ହୋଇଥିବା ୨୦୩ ଜଣଙ୍କ ମଧ୍ୟରୁ ଗଞ୍ଜାମର ୩୮, ଖୋର୍ଦ୍ଧାର ୩୭, ଗଜପତିର ୧୯, କଟକର ୧୮, ଜଗତସିଂହପୁରର ୧୮, ସମ୍ବଲପୁରର ୧୨, ସୁନ୍ଦରଗଡର ୧୨, ଢେଙ୍କାନାଳର ୧୦, ଯାଜପୁରର ୮, ବରଗଡର ୭, ମୟୂରଭଞ୍ଜର ୬, ରାୟଗଡାର ୫, ବାଲେଶ୍ୱରର ୩, କନ୍ଧମାଳର ୩, ପୁରୀର ୨, ଦେଓଗଡ,ଝାରସୁଗୁଡା, ମାଲକାନାଗିରି କେନ୍ଦୁଝର ଏବଂ ନବରଙ୍ଗପୁରର ଜଣେ ଲେଖାଁଏ ରହିଛନ୍ତି ।
ଏହାକୁ ମିଶାଇ ରାଜ୍ୟରେ ମୋଟ ୫୭୦୫ ଜଣ କରୋନା ଆକ୍ରନ୍ତ ସୁସ୍ଥ ହୋଇ ଘରକୁ ଫେରି ସାରିଲେଣି ।
