ନୂଆଦିଲ୍ଲୀ (ଏଟିଆର ବ୍ୟୁରୋ): ଅଭିନେତା ସଲମାନ୍ ଖାନ୍ ଏବଂ ଅଭିନେତ୍ରୀ କ୍ୟାଟ୍ରିନା କୈଫ୍ ବଲିଉଡର ଏକ ଫେମସ ଯୋଡି । ଉଭୟ ଏକାସଙ୍ଗରେ ଟାଇଗର, ଟାଇଗର ଜିନ୍ଦା ହୈ, ୟୁଭରାଜ, ମୈନେ ପ୍ୟାର କ୍ୟୁଁ କିୟା ସହିତ ଅନେକ ଫିଲ୍ମରେ କାମ କରିଛନ୍ତି । ଉଭୟଙ୍କ ଅନସ୍କ୍ରିନ୍ କେମେଷ୍ଟ୍ରୀକୁ ଦର୍ଶକ ଖୁବ୍ ପ୍ରସନ୍ଦ ମଧ୍ୟ କରନ୍ତି । ଶେଷ ଥର ପାଇଁ ଉଭୟ ଭାରତ ଫିଲ୍ମରେ ନଜର ଆସିଥିଲେ । ଏବେ ପୁଣି ଶୁଣିବାକୁ ମିଳୁଛି କି ଉଭୟ ପୁଣି ବଡ ପରଦାରେ ଏକାଠି ଫିଲ୍ମ ‘ଟାଇଗର ୩’ ରେ ନଜର ଆସିବେ । ଏହି ଫିଲ୍ମଟି ଟାଇଗର ଫ୍ରାଞ୍ଚାଇଜ୍ ର ତୃତୀୟ ପାର୍ଟ ।
ଏକ ଇଂଟରନାସନାଲ ପୋର୍ଟାଲ ମୁତାବକ, ଟାଇଗର ୩ ପାଇଁ ସଲମାନ ରାଜି ହୋଇଯାଇଛନ୍ତି । ଫିଲ୍ମଟି ସମ୍ପୂର୍ଣ୍ଣ ଆକ୍ସନରେ ଭରପୁର । ଆଗାମୀ ବର୍ଷ ଫିଲ୍ମର ସୁଟିଂ ଆରମ୍ଭ ହେବ । ସେହିପରି ଏହି ଫିଲ୍ମରେ ସଲମାନଙ୍କ ବିପରୀତରେ କ୍ୟାଟ୍ରିନା କୈଫ୍ ନଜର ଆସିବେ ବୋଲି ଶୁଣିବାକୁ ମିଳୁଛି । ଅନ୍ୟପଟେ ଫିଲ୍ମର ନିର୍ଦ୍ଦେଶନା ମନୀଷ ଶର୍ମା କରିବେ ବୋଲି ଶୁଣିବାକୁ ମିଳୁଛି ।
