ଭୁବନେଶ୍ୱର (ଏଟିଆର ବ୍ୟୁରୋ): ଆଜି ପବିତ୍ର ଗଣେଶ ଚତୁର୍ଥୀ । ସକାଳୁ ସକାଳୁ ବିଭିନ୍ନ ସ୍ଥାନରେ ଆରମ୍ଭ ହୋଇଯାଇଛି ଶ୍ରୀ ବିନାୟକଙ୍କ ପୂଜା । କିନ୍ତୁ ଚଳିତ ବର୍ଷ କରୋନା କଟକଣା ପାଇଁ ଶିକ୍ଷାନୁଷ୍ଠାନ ଏବଂ ସାର୍ବଜନିକ ସ୍ଥାନରେ ବନ୍ଦ ରହିଛି ପୂଜା । ସମସ୍ତେ ନିଜ ନିଜ ଘରେ ଗଣେଶଙ୍କୁ ସ୍ଥାପନା କରି ପୂଜାର୍ଚ୍ଚନା କରୁଛନ୍ତି । ସେହିପରି ଛାତ୍ରଛତ୍ରୀମାନେ ସେମାନଙ୍କ ଘରେ ରହି ଗଣେଶ ପୂଜା କରୁଛନ୍ତି ।
ଅନ୍ୟପଟେ ଚଳିତ ବର୍ଷ ନିରାଡମ୍ବର ଭାବେ ଗଣେଶ ପୂଜା ପାଳିତ ହେଉଥିବା ବେଳେ ଏକ ଭିନ୍ନ ଦୃଶ୍ୟ ଦେଖିବାକୁ ମିଳିଛି । ପୂଜାମଣ୍ଡପ, କ୍ଲବ ଏବଂ ସାର୍ବଜନିକ ସ୍ଥାନରେ ସବୁଆଡେ ଖାଁ ଖାଁ । ନା ସଜେଇ ହୋଇଛି ମଣ୍ଡପ ନା ବାଜୁଛି ମାଇକି,ସବୁକିଛି ବନ୍ଦ । କରୋନା କଟକଣାକୁ ଦୃଷ୍ଟିରେ ରଖି ସବୁଠି ନିରାଡମ୍ବର ଭାବେ ଚାଲିଛି ଗଣେଣ ପୂଜା ।
