ଭୁବନେଶ୍ୱର (ଏଟିଆର ବ୍ୟୁରୋ): ଆଜି ହେଉଛି OJEE ଆବେଦନର ଶେଷ ତାରିଖ । ଆଜି ରାତି ୧୧.୫୯ ପର୍ଯ୍ୟନ୍ତ ରହିଛି ଆବେଦନର ଶେଷ ସମୟ । ଏହି ସମୟ ମଧ୍ୟରେ ଛାତ୍ରଛାତ୍ରୀ ମାନେ ଅନଲାଇନ ମାଧ୍ୟମରେ ନିଜର ଆବେଦନ କରିପାରିବ । ଅନ୍ୟପଟେ ଅନଲାଇନ ଫି’ ଜମାର ଶେଷ ସମୟ ଆସନ୍ତାକାଲି ପର୍ଯ୍ୟନ୍ତ ରହିଛି । ତେବେ ଅକ୍ଟୋବର ୧୨ରୁ ପରୀକ୍ଷା ଆରମ୍ଭ ହୋଇ ଅକ୍ଟୋବର ୧୯ ପର୍ଯ୍ୟନ୍ତ ଚାଲିବ ।
ପରୀକ୍ଷା ନିମନ୍ତେ ମୋଟ ୫୩ଟି ପରୀକ୍ଷା କେନ୍ଦ୍ରକୁ ଚୟନ କରାଯାଇଛି । ସେଥିମଧ୍ୟରୁ ରାଜ୍ୟ ମଧ୍ୟରେ ୨୧ଟି ସହରରେ ୫୦ଟି କେନ୍ଦ୍ର ହୋଇଥିବା ବେଳେ ରାଜ୍ୟ ବହାରେ ୩ଟି ସେଣ୍ଟର ରହିଛି । ରାଜ୍ୟ ବାହାରେ ରାଞ୍ଚି, କୋଲକାତା, ଓ ପାଟନାରେ ପରୀକ୍ଷା କେନ୍ଦ୍ର ହୋଇଛି । ତେବେ ଆବେଦନ ପାଇଁ ଛାତ୍ରଛାତ୍ରୀ ମାନେ ଓଜେଇଇ ୱେବସାଇଟ୍ www.ojee.nic.in ଓ www.odishajee.com ରେ ଯାଇ ଆବେଦନ କରିପାରିବେ ।
