ମୁମ୍ବାଇ(ଏଟିଆର ବ୍ୟୁରୋ) : ଆଜି ବିଗବସ ବିଜେତା ତଥା ଅଭିନେତ୍ରୀ ଗୌହର ଖାନ୍ ଜୈଦ୍ ଦରବାରଙ୍କୁ ବିବାହ କରିବାକୁ ଯାଉଛନ୍ତି । ଗତକାଲି ମୁମ୍ବାଇ ଠାରେ ତାଙ୍କ ସଂଗୀତ ସମାରୋହ ଆୟୋଜନ ହୋଇଥିଲା । ଗୌହର ଖାନଙ୍କ ଶ୍ୱଶୁର ଇସମାଇଲ ଦରବାର ତାଙ୍କ ପୁଅ ଜୈଦ୍ ଦରବାରଙ୍କ ସଂଗୀତ ସମାରୋହରେ ଏକ ସୁନ୍ଦର ଗୀତ ପ୍ରଦର୍ଶନ କରିଥିଲେ । ଆଜି ବିବାହ କରୁଥିବା ଏହି ଦମ୍ପତିଙ୍କ ସଂଗୀତ ସମାରୋହରେ ଲୋକପ୍ରିୟ ଗୀତିକାର ଇସମାଇଲ୍ ଦରବାର ‘ହମ୍ ଦିଲ୍ ଦେ ଚୁକେ ସନମ୍ ’ ର ‘ଲୁଟ୍ ଗୟେ’ ଗୀତ ଗାଇଥିଲେ । ଗୀତଟି ବହୁତ ଲୋକପ୍ରିୟ ଅଟେ କିନ୍ତୁ କିଛି ଲୋକ ତାଙ୍କର ଏହି ଗୀତକୁ ନେଇ ଦ୍ୱନ୍ଦରେ ପଡିଯାଇଥିଲେ । ଏହି ଭିଡିଓଟି ଇନଷ୍ଟାଗ୍ରାମ୍ ରେ ଭାଇରାଲ୍ ହେବାରେ ଲାଗିଥିବାବେଳେ କିଛିଲୋକ ଏହି ଭିଡିଓ ଦେଖି କହିଥିଲେ କି ଏମିତି ଏକ ଖୁସିର ଦିନରେ ଏପରି ଦୁଃଖ ଗୀତ କଣପାଇଁ?

ଆଜି ମୁସଲିମ ପରମ୍ପରାରେ ଗୌହର ଏବଂ ଜୈଦ୍ ବିବାହ କରିବାକୁ ଯାଉଛନ୍ତି । ଦୁହିଁଙ୍କ ଭଲପାଇବା ଲକଡାଉନ ସମୟରେ ଆରମ୍ଭ ହୋଇଥିଲା । ଗୌହର ତାଙ୍କର ଏକ ସାକ୍ଷାତକାରରେ କହିଥିଲେ , “ ଆମର କୌଣସି ପ୍ରେମ ସମ୍ପର୍କ ନାହିଁ । ମୁଁ ତାଙ୍କ ସହ ଭେଟିଥିଲି ଏବଂ କିଛିଦିନ ମିଳାମିସା ପରେ ଜୈଦ୍ ବିବାହ ପାଇଁ ପ୍ରସ୍ତାବ ଦେଇଥିଲେ ।”