ମୁମ୍ବାଇ (ଏଟିଆର ବ୍ୟୁରୋ): ୱେବ ସିରିଜ୍ “ବ୍ୟାଙ୍ଗ ବ୍ୟାଙ୍ଗ-ସାଉଣ୍ଡ ଅଫ୍ କ୍ରାଇମ” ର ଟ୍ରେଲର ରିଲିଜ୍ ହୋଇଛି । ଏହି ୱେବ ସିରିଜ୍ ଜରିଆରେ ଟିକଟକ୍ ଷ୍ଟାର ଫ୍ୟାଜୁ ଏବଂ ରୁହି ସିଂହ ଡିଜିଟାଲ ଡେବ୍ୟୁ କରିଛନ୍ତି । ଟ୍ରେଲରରେ ଦମଦାର ସିକ୍ୱେନ୍ସ, ୱାଇଡ ସ୍କେଲ କନସେପ୍ଟ ଏବଂ ଥ୍ରିଲିଙ୍ଗ ଏଲିମେଣ୍ଟର ଜବରଦସ୍ତ ତଡକା ଦେଖିବାକୁ ମିଳିଛି ।
ଏଥିରେ ରଘୁ ଚରିତ୍ରରେ ଅଭିନୟ କରୁଛନ୍ତି ଫ୍ୟାଜୁ । ଟ୍ରେଲରରେ ରଘୂଙ୍କୁ ଦମଦାର୍ ଆକ୍ସନ ମୁଡ୍ ରେ ଦେଖିବାକୁ ମିଳିଛି । ସେହିପରି ଏଥିରେ ମୀରା ଚରିତ୍ରରେ ଅଭିନୟ କରୁଛନ୍ତି ରୁହି ।
ଅଲ୍ଟ ବାଲାଜି ଏବଂ ଜି୫ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରୁ ୱେବ ସିରିଜ୍ ର ଟ୍ରେଲର ସେୟାର କରି ଲେଖିଛନ୍ତି, ଆପଣଙ୍କ ହୋସ ଉଡାଇବାକୁ ଆସୁଛି ବ୍ୟାଙ୍ଗ ବ୍ୟାଙ୍ଗ । ସୁପର ବାଇକ୍ସ, ସୁପର ଷ୍ଟାର୍ସ ଏବଂ ସୁପରକାଷ୍ଟର ଏଣ୍ଟ୍ରି ସହିତ ହୋଇଯାଇଛି ୨୦୨୧ ର ଆରମ୍ଭ । ଜାନୁଆର ୨୫ ରେ ଅଲ୍ଟ ବାଲାଜୀରେ ଦେଖନ୍ତୁ ବ୍ୟାଙ୍ଗ ବ୍ୟାଙ୍ଗ ।
ଏହି ଫିଲ୍ମ ପାଇଁ ସାରା ଦେଶରେ ୧୫୦୦ ରୁ ଅଧିକ ଭର୍ଚୁଆଲ ଅଡିଶନ କରାଯାଇଥିଲା । ଏହାପରେ ଫ୍ୟାଜୁ ଏବଂ ରୁହିଙ୍କୁ ମୁଖ୍ୟ ଭୂମିକା ପାଇଁ ବଛାଯାଇଥିଲା । ଏହି ସିରିଜ୍କୁ ଅକ୍ଷୟ ବିପି ସିଂହ ପ୍ରଯୋଜନା କରିଥିବା ବେଳେ ନିର୍ଦ୍ଦେଶନା ଦେଇଛନ୍ତି ଅଭିଶେକ କପୁର । ଆକ୍ସନ ଏବଂ ଥ୍ରିଲରରେ ଭରପୁର ଏହି ୱେବ ସିରିଜ୍ ଟି ଜାନୁଆରୀ ୨୫ ରେ ଅଲ୍ଟ ବାଲାଜୀରେ ଷ୍ଟ୍ରିମିଂ ହେବ ।
