ନୂଆଦିଲ୍ଲୀ (ଏଟିଆର ବ୍ୟୁରୋ): ହଲିଉଡର ଟ୍ୟାଲେଣ୍ଟ ଏଜେନ୍ସି ଆଇସିଏମ ସହ ଯୋଡି ହୋଇଛନ୍ତି ବଲିଉଡ ଅଭିନେତ୍ରୀ ଦୀପିକା ପାଦୁକୋନ୍ । ଆଇସିଏମ୍ ର ଏହି ତାଲିକାରେ ଜନ୍ ସୀନା, ଦି ଭମ୍ପାୟାର ଡାୟରିଜ୍ ଷ୍ଟାର ଇୟାନ ସୋମରହଲ୍ଡର ଏବଂ ଟୁ ଅଲ୍ ବଏଜ୍ ଆଇ ଲଭ୍ଡ ବିଫୋର ଆକ୍ଟର ଲାନା କାଣ୍ଡୋର ଭଳି ବଡ ବଡ ନାଁ ସାମିଲ ଅଛି । କିନ୍ତୁ ଏବେ ଏହି ତାଲିକାରେ ଡିମ୍ପଲ ଗର୍ଲ ଦୀପିକା ନାଁ ମଧ୍ୟ ସାମିଲ ହୋଇଯାଇଛି ।
୨୦୧୭ ମସିହାରେ ଡୋଜ ଜେ କାରୁସୋ ଙ୍କ ନିର୍ଦ୍ଦେଶନାରେ ହୋଇଥିବା ହଲିଉଡ୍ ଫିଲ୍ମ ‘XXX: ରିଟର୍ଣ୍ଣ ଅଫ୍ ଜେଣ୍ଡର ଫେଜ୍’ ରୁ ଦୀପିକା ନିଜ ହଲିଉଡ କ୍ୟାରିୟର ଆରମ୍ଭ କରିଥିଲେ । ଆଜି ସେ ବଲିଉଡର ଜଣେ ଟ୍ୟାଲେଣ୍ଟେଡ ଷ୍ଟାରଙ୍କ ମଧ୍ୟରୁ ଜଣେ । ଏବେ ସେ ହଲିଉଡ ଏକ ବଡ ଏଜେନ୍ସି ସହ ଜୋଡି ହୋଇଛନ୍ତି । ଏହି ଟ୍ୟାଲେଣ୍ଟ ଏଜେନ୍ସି ସହ ଜୋଡି ହୋଇ ଦୀପିକା ଖୁବ୍ ଖୁସୀ ଏବଂ ଉତ୍ସାହିତ ଅଛନ୍ତି ।
ଦୀପିକା ନିକଟରେ ତାଙ୍କର ଆଗାମୀ ବଲିଉଡ ଫିଲ୍ମ ‘ଫାଇଟର’ ର ଫାଷ୍ଟ ଲୁକ୍ ଜାରି କରିଥିଲେ । ଏଥିରେ ସେ ଅଭିନେତା ହ୍ରିତିକ ରୋଶନଙ୍କ ସହ ନଜରକୁ ଆସିବେ ।
