ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ସବୁଠାରୁ ନାମୀଦାମୀ ହିରୋ ହେଉଛନ୍ତି ସଲମାନ୍ ଖାଁ । ସଲମାନ୍ ଙ୍କ ସହ କାମ କରିବା ପାଇଁ ପ୍ରତ୍ୟେକ ହିରୋଇନଙ୍କ ସ୍ୱପ୍ନ ଥାଏ । ଆଜି ବି ବଲିଉଡରେ ଅନେକ ବଡ ବଡ ହିରୋଇନ ଅଛନ୍ତି, ଯେଉଁମାନେ ସଲମାନ୍ ଙ୍କ ସହିତ କାମ କରିବା ଲାଗି ଅପେକ୍ଷା କରି ରହିଛନ୍ତି । କିନ୍ତୁ ସେମାନଙ୍କୁ ସୁଯୋଗ ମିଳୁ ନାହିଁ । ଆଜି ଆମେ ଆପଣଙ୍କୁ ଏଭଳି ଜଣେ ଅଭିନେତ୍ରୀଙ୍କ ବିଷୟରେ କହିବାକୁ ଯାଉଛୁ, ଯିଏ ବଲିଉଡରେ କାମ କରିବାରେ କିଛି ଦିନ ହୋଇଛି କିନ୍ତୁ ସେ ଖୁବ୍ ଶୀଘ୍ର ସଲମାନ୍ ଙ୍କ ସହ ବଡ ପରଦାରେ ନଜର ଆସିବେ ।
ସେ ଆଉ କେହି ନୁହଁନ୍ତି ଆଶିକି ଗର୍ଲ ଶ୍ରଦ୍ଧା କପୁର । ସେ ଫିଲ୍ମ ‘ଆଶିକି’ ଜରିଆରେ ବଲିଉଡରେ ଏଣ୍ଟ୍ରି କରିଥିଲେ । ଏଥିରେ ତାଙ୍କର ଅଭିନୟ ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । ତାଙ୍କ ଫିଲ୍ମ ‘ବାଗୀ’ ବକ୍ସ ଅଫିସରେ ଖୁବ୍ ଧମାଲ ମଚାଇଥିଲା । ଏବଂ ଏବେ ତାଙ୍କୁ ସୁପରଷ୍ଟାର ସଲମାନ୍ ଙ୍କ ସହିତ କାମ କରିବା ପାଇଁ ଅଫର ମିଳିଛି । ସେ ସଲମାନ୍ ଙ୍କ ଆଗାମୀ ଫିଲ୍ମ ‘ଭାରତ’ରେ ନଜର ଆସିବେ ।
ଏହାପୂର୍ବରୁ ଶ୍ରଦ୍ଧାଙ୍କୁ ୫ଟି ଫିଲ୍ମରୁ ଅଫର ଆସି ସାରିଛି । କିନ୍ତୁ ସେ ସଲମାନ୍ ଙ୍କ ଫିଲ୍ମ ‘ଭାରତ’ ପାଇଁ ରାଜି ଅଛନ୍ତି । ଏହି ଫିଲ୍ମଟି ଭାରତର ଐତିହାସିକ ଉପରେ ପ୍ରସ୍ତୁତ ହେବାକୁ ଯାଉଛି । ଯଦି ଏହି ଫିଲ୍ମରେ ଶ୍ରଦ୍ଧା ସଲମାନ୍ ଙ୍କ ସହିତ ନଜର ଆସନ୍ତି, ତେବେ ଏହା ଶ୍ରଦ୍ଧାଙ୍କ ପାଇଁ ଏକ ଭଲ ମୋଡ ହୋଇ ପାରିବ ।
