ମୁମ୍ବାଇ (ଏଟିଆର ବ୍ୟୁରୋ): ଟିଭି ଚ୍ୟାନେଲର ବିବାଦୀୟ ରିଆଲିଟି ଶୋ’ ‘ବିଗବସ୍’ ର ପ୍ରତିଯୋଗୀ ସ୍ୱପ୍ନା ଚୌଧୁରୀ ଜଣେ ଷ୍ଟେଜ୍ ଡ୍ୟାନ୍ସର ଭାବେ ବେଶ୍ ଜଣା ଶୁଣା । ଯେବେଠାରୁ ସ୍ୱପ୍ନାଙ୍କ ନାଁ ବିଗବସ୍ ସହ ଯୋଡି ହୋଇଯାଇଛି ସେବେଠୁ ତାଙ୍କର ଲୋକପ୍ରିୟତା ଦ୍ୱିଗୁଣା ହୋଇଯାଇଛି । ସ୍ୱପ୍ନାଙ୍କ ଡ୍ୟାନ୍ସକୁ କେବଳ ସାଧାରଣ ଜନତା ନୁହେଁ, ବରଂ ସେଲିବ୍ରିଟି ଏବଂ କ୍ରିକେଟର୍ସମାନେ ମଧ୍ୟ ଫଲୋ କରୁଛନ୍ତି । ଏବେ ସ୍ୱପ୍ନାଙ୍କର ଆଉ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଡ୍ୟାନ୍ସ ଷ୍ଟେପ ଶିଖାଉଥିବାର ନଜର ଆସୁଛନ୍ତି ।
ନିକଟରେ ସ୍ୱପ୍ନା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ପୋଷ୍ଟ କରିଥିଲେ, ଯଉଁଥିରେ ସେ ‘ତେରେ ଆଂଖୋ କା ୟେ କାଜଲ’ ଗୀତରେ ଡ୍ୟାନ୍ସ ଶିଖାଉଥିବାର ନଜର ଆସୁଛନ୍ତି । ଏହି ଭିଡିଓ ଜରିଆରେ ସେ ଏକ ଆପ ପ୍ରମୋଟ କରୁଥିବାର ଦେଖିବାକୁ ମିଳୁଛି । ସେ ଯାହା ହେଉନା କାହିଁକି ଇଂଷ୍ଟାଗ୍ରାମରେ ତାଙ୍କର ଏହି ଭିଡିଓକୁ ଲକ୍ଷାରୁ ଉର୍ଦ୍ଧ ୟୁଜର୍ସ ଦେଖିସାରିଲେଣି ।
