ମୁମ୍ବାଇ (ଏଟିଆର ବ୍ୟୁରୋ): ରାଜକୁମାର ରାଓ ଏବଂ କଙ୍ଗନା ରଣାୱତଙ୍କ ଫିଲ୍ମ ‘ମେଣ୍ଟାଲ ହୈ କ୍ୟା’ ଆଗାମୀ ବର୍ଷ ପରଦାରେ ମୁକ୍ତିଲାଭ କରିବ । ଏହି ଫିଲ୍ମର ପୋଷ୍ଟରରେ କଙ୍ଗନା ଏବଂ ରାଜକୁମାର ଦୁହେଁ ଅଜିବ୍ କାରନାମା କରୁଥିବାର ଦେଖିବାକୁ ମିଳୁଛି । ଏବେ ଫିଲ୍ମର ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ କଙ୍ଗନା ଏବଂ ରାଜକୁମାର ଦୁହେଁ ଝଗଡା କରୁଥିବାର ନଜର ଆସୁଛନ୍ତି । ଯାହା ଏବେ ଭାଇରାଲ ହେବାରେ ଲାଗିଛି ।
ଏହି ଭିଡିଓରେ ରାଜକୁମାର ଏବଂ କଙ୍ଗନା ଦୁହେଁ ଦୁହିଁଙ୍କ ସହ ମାଡ ହୋଇକି ଫିଲ୍ମଟିର ରିଳିଜ୍ ତାରିଖ ଘୋଷଣା କରୁଥିବାର ନଜର ଆସୁଛନ୍ତି । ଏହାସହିତ କଙ୍ଗନା ଏହି ଭିଡିଓକୁ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରି କ୍ୟାପସନ ରେ ଲେଖିଛନ୍ତି କି, ’୨୨-୨କୁ ଦୁଇ ଜଣ ପାଗଳ ଏକାଠି ଆସୁଛନ୍ତି’ ।
ଖବରମୁତାବକ, ବାଲାଜି ମୋଶନ ପିକଚର୍ସ ଏବଂ କରମା ମିଡିଆ ଆଣ୍ଡ ଏଣ୍ଟରଟେନମେଣ୍ଟ ଦ୍ୱାରା ଏହି ଫିଲ୍ମଟି ପ୍ରସ୍ତୁତ ହେଉଛି ।
