ପାଟଣାଗଡ,(ଏଟିଆର ବ୍ୟୁରୋ): ବେପାରୁଆ ଗାଡି ଚାଳନା ଯୋଗୁଁ ଘଟିଲା ଦୁର୍ଘଟଣା । ଆହତ ହେଲେ ଦୁଇ ସ୍କୁଲ ଛାତ୍ର ସମେତ ଅନ୍ୟ ଜଣେ ବ୍ୟକ୍ତି । ତେବେ ଏହି ଘଟଣାକୁ ନେଇ ଘଟିଛି ତୁମୁଳକାଣ୍ଡ । ତାତି ଉଠିଛନ୍ତି ଲୋକେ । ଆଗପଛ ବିଚାର ନକରି ଉତ୍ତ୍ୟକ୍ତ ଲୋକ ବିଚ ରାସ୍ତାରେ ବସଟିକୁ ଜାଳି ଦେଇଛନ୍ତି । ଏଭଳି ଏକ ଘଟଣା ଘଟିଛି ପାଟଣାଗଡ଼ର ବ୍ରହ୍ମପୁରା ନିକଟରେ ।
ରିପୋର୍ଟ ଅନୁସାରେ, ଏକ ବାଇକରେ ୨ଜଣ ସ୍କୁଲ ଛାତ୍ର ଯାଉଥିଲେ । ଠିକ ଏହି ସମୟରେ ବସଟି ବାଇକକୁ ଧକ୍କା ଦେଇଥିଲା । ଦୁର୍ଘଟଣାରେ ବାଇକ ଚାଳକ ସମେତ ୨ଜଣ ଛାତ୍ର ଆହତ ହୋଇଥିଲେ । ଏହି ଘଟଣା ପରେ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଦେଇଥିଲା । ଲୋକେ ବସରେ ନିଆଁ ଲଗାଇ ଦେଇଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ଖୋଳତାଡ ଆରମ୍ଭ କରିଛି ।
