ଭୁବନେଶ୍ୱର (ଏଟିଆର ବ୍ୟୁରୋ):୫୮ତମ ରାଷ୍ଟ୍ରୀୟ ଇଣ୍ଟର ଷ୍ଟେଟ୍ ସିନିଅର ଆଥଲେଟିକ୍ସ ଚାମ୍ପିଅନସିପିରେ୧୦୦ ମିଟର ଦୌଡରେ ଓଡିଶା ଧାବିକା ଦୂତି ଚାନ୍ଦ ରେର୍କଡ କରିଥିଲେ । ସ୍ୱର୍ଣ୍ଣ ପଦକ ହାସଲ କରିଥିବା ଦୂତିଙ୍କୁ ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ବାସଭବନରେ ଫୁଲ ଗୁଛା ଦେଇ ସମ୍ଭର୍ଦ୍ଧନା କରିଥିଲେ । ଏବଂ ଦୂତିଙ୍କୁ ଏସିଆନ ଚାମ୍ପିଆନସିପିରେ ଭଲ ପ୍ରଦର୍ଶନ କରିବା ପାଇଁ ଶୁଭକାମନା ଜଣାଇଥିଲେ ।
ମୁଖ୍ୟମନ୍ତ୍ରୀ ତାଙ୍କ ଟ୍ୱିଟରରେ ଦୂତିଙ୍କ ସହ ଏକ ସେଲ୍ଫି ଉଠାଉଥିବାର ଫଟୋ ମଧ୍ୟ ପୋଷ୍ଟ କରିଛନ୍ତି । ଦୂୂତି ୧୦୦ ମିଟର ଦୌଡର ୧୧.୩୦ ସେକେଣ୍ଡର କିର୍ତ୍ତିମାନଙ୍କୁ ଭାଙ୍ଗି ୧୧.୨୯ ସେକେଣ୍ଡରେ ସମାସ୍ତ କରି ରେର୍କଡ କରିଥିଲେ । ଏଥିପାଇଁ ଆସାମ ମୁଖ୍ୟମନ୍ତ୍ରୀ ସର୍ବନାଦ ସୋନୱାଲ ବିଜୟୀ ହାସଲ ଦୁତି ଚାନ୍ଦଙ୍କୁ ସମ୍ମାନିତ କରିଥିଲେ ।
