ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ସୁନୀଲ ଶେଟ୍ଟୀଙ୍କ ପୁଅ ଅହାନ ଶେଟ୍ଟୀ ଖୁବ୍ ଶୀଘ୍ର ବଲିଉଡ ଫିଲ୍ମରେ ନଜର ଆସିବେ । ବଲିଉଡ ଫିଲ୍ମ ‘ତଡପ’ ରେ ଡେବ୍ୟୁ କରିଛନ୍ତି ଅହାନ । ନିକଟରେ ଫିଲ୍ମର ଟିଜର ରିଲିଜ୍ କରାଯାଇଛି । ଟିଜର ରିଲିଜ୍ କରିବା ସହିତ ଟ୍ରେଲର ରିଲିଜର ତାରିଖ ଘୋଷଣା କରିଛନ୍ତି ନିର୍ମାତା ।
ମୁଭି କ୍ରିଟିକ ତରଣ ଆଦର୍ଶ ସୋସିଆଲ ମିଡିଆରେ ଟିଜର ସେୟାର କରିଛନ୍ତି । ଏହାସହିତ ଟ୍ରେଲର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ତରଣ ଆଦର୍ଶ ତାଙ୍କ ପୋଷ୍ଟ ରେ କହିଛନ୍ତି କି ଅହାନ ଶେଟ୍ଟୀଙ୍କ ଡେବ୍ୟୁ ଫିଲ୍ମ ‘ତଡପ’ ର ଟ୍ରେଲର ଅକ୍ଟୋବର ୨୭ ରେ ରିଲିଜ୍ ହେବ । ଏହି ଫିଲ୍ମରେ ଅହାନଙ୍କ ସହିତ ତାରା ସୁତରୁଆ ରୋମାନ୍ସ କରୁଥିବାର ନଜରକୁ ଆସିବେ ।
ଫିଲ୍ମ ‘ତଡପ’ ର ଟିଜର ଦେଖିବା ପରେ ଦର୍ଶକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି । ଟିଜରରେ ଅହାନ ଶେଟ୍ଟୀଙ୍କୁ ଦେଖିଲା ପରେ ଲାଗୁଛି ଯେମିତି ପିତା ସୁନୀଲ ଶେଟ୍ଟୀଙ୍କ ଭଳି ଆକ୍ସନ ମୁଡ୍ ରେ କ୍ୟାରିଅର ଆରମ୍ଭ କରୁଛନ୍ତି ଅହାନ ଶେଟ୍ଟୀ ।
