ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ଅଭିଶେଖ ବଚ୍ଚନଙ୍କ ଫିଲ୍ମ ‘ଦଶଭି’ ର ଟ୍ରେଲର ରିଲିଜ ହୋଇଯାଇଛି । ଫିଲ୍ମରେ ଗଙ୍ଗାରାମ ଚୌଧରୀଙ୍କ ଭୂମିକାରେ ନଜର ଆସିବେ ଜୁନିଅର ବଚ୍ଚନ । ଯିଏ ଜଣେ ମୁଖ୍ୟମନ୍ତ୍ରୀ ଏବଂ ଭ୍ରଷ୍ଟାଚାର ଅଭିଯୋଗରେ ଜେଲରେ ଅଛନ୍ତି ।
ଜେଲରେ ରହିବା ସମୟରେ ତାଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡେ । ଅଷ୍ଟମ ଶ୍ରେଣୀ ପାସ୍ ହୋଇଥିବା ଗଙ୍ଗାରାମ ଜେଲରେ ରହି ଦଶମ ପାସ୍ କରିବାର ନିଷ୍ପତି କରନ୍ତି । ଏବେ ଗଙ୍ଗାରାମ ଜେଲରେ ଦଶମ ପରୀକ୍ଷାରେ ସଫଳ ହେଉଛନ୍ତି କି ନାହିଁ ତାହା ଫିଲ୍ମ ରିଲିଜ୍ ହେବା ପରେ ଜଣାପଡିବ ।
୨ ମିନିଟ୍ ୩୭ ସେକେଣ୍ଡର ଏହି ଟ୍ରେଲରରେ ଗଙ୍ଗାରାମଙ୍କ ଭୂମିକାରେ ଅଭିଶେକଙ୍କ ଜବରଦସ୍ତ ଲୁକ୍ ଦେଖିବାକୁ ମିଳିଛି ।
ସେହିପରି ଏହି ଫିଲ୍ମରେ ୟାମି ଗୌତମୀ ଜଣେ ଆଇପିଏସ ଅଫିସର ଭୂମିକାରେ ନଜରକୁ ଆସିବେ ।
ଏହି ଫିଲ୍ମରେ ଅଭିଶେକଙ୍କ ପତ୍ନୀ ଭୂମିକାରେ ନିମ୍ରତ କୌର(ବିମଳା ଦେବୀ) ଅଭିନୟ କରିଛନ୍ତି । ଗଙ୍ଗାରାମ ଜେଲ ଯିବା ପୂର୍ବରୁ ତାଙ୍କ ପତ୍ନୀ ବିମଳା ଦେବୀଙ୍କୁ ମୁଖ୍ୟମନ୍ତ୍ରୀ କରି ଦେଉଛନ୍ତି । ଏହାପରେ ବିମଳା ଦେବୀଙ୍କୁ ମୁଖ୍ୟମନ୍ତ୍ରୀ ପଦର ଲୋଭ ଲାଗିଯାଏ । କାହାଣୀରେ ସେତେବେଳେ ଟ୍ୱିଷ୍ଟ ଆସିଛି ଯେତେବେଳେ ଆପିଏସ ଅଧିକାରୀ ୟାମୀ ଗୌତମ ଅଭିଶେଖ ଓରଫ ଗାଙ୍ଗୁରାମଙ୍କୁ ଅପାଠୁଆ କହି ଦିଅନ୍ତି । ଗାଙ୍ଗୁରାମଙ୍କୁ ଏହି କଥା ପସନ୍ଦ ଆସେ ନାହିଁ ଏବଂ ସେ ଜେଲରେ ରହି ପାଠ ପଢିବାର ନିଷ୍ପତି ନିଅନ୍ତି ।
