ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ବି-ଟାଉନରେ ନିଜର ଜଲୱା ଦେଖାଇବା ପରେ ହଲିଉଡରେ ମଧ୍ୟ ନିଜ ଅଭିନୟର ଜାଲ ବିଛାଇଛନ୍ତି । ପ୍ରିୟଙ୍କା ଏଥର ହଲିଉଡ ଷ୍ଟାର ସିଏନା ମିଲରଙ୍କ ସହ ସ୍କ୍ରିନ୍ ସେୟାର କରିବେ । ଫଲ୍ମଟି ସୋମାୟା ଗୌଡାଙ୍କ ନୋଭେଲ ସିକ୍ରେଟ ଡକ୍ଟର ଉପରେ ଆଧାରିତ । ଏନ୍ଥୋନି ଚେନ୍ ଙ୍କ ଦ୍ୱାରା ଫିଲ୍ମଟି ପ୍ରସ୍ତୁତ ହେବାକୁ ଯାଉଥିବା ବେଳେ ଏଥିରେ ଅଭିନୟ ପାଇଁ ପ୍ରିୟଙ୍କା ଚୋପ୍ରା ସାଇନ୍ କରିଛନ୍ତି ।
ଫିଲ୍ମର କାହାଣୀ କଥା ଯଦି କହିବା ତେବେ ଦୁଇଟି ମହିଳା ଏବଂ ଜଣେ ଶିଶୁକୁ ନେଇ ଏହି କାହାଣୀଟି ପ୍ରସ୍ତୁତ ହେବାକୁ ଯାଉଛି । ଯେଉଁଥିରେ ଜଣେ ଡ଼ାକ୍ତର ଅଛନ୍ତି, ସମର ନାମକ ଜଣେ ବିବାହିତ ଡାକ୍ତର , ଯିଏ ସାନ ଫ୍ରାନ୍ସିସ୍କୋରେ ରୁହନ୍ତି । ସେ ଜାଣିବାକୁ ପାଆନ୍ତି କି, ସେ କଦାପି ମା ହୋଇପାରିବେ ନାହିଁ । ସେହି ବର୍ଷ ଭାରତର ଜଣେ ଗରିବ ମହିଳା ନିଜ ଝିଅକୁ ବଞ୍ଚାଇବା ପାଇଁ ଅନାଥଳାୟରେ ଛାଡି ଦିଅନ୍ତି । କବିତା ନାମକ ଏହି ମହିଳା ତାଙ୍କର ନିଷ୍ପତ୍ତିରେ ଜୀବନସାରା ଅନୁତାପ କରନ୍ତି । ତାଙ୍କ ଶିଶୁ କନ୍ୟାର ନାଁ ଆଶା, ସେ ମୁମ୍ବାଇର ଏକ ଅନାଥ ଆଶ୍ରମରେ ରୁହନ୍ତି ଏବଂ ଏହି ମାଧ୍ୟମରେ ସମର ଏବଂ କବିତା ପରସ୍ପର ସହ ଜଡିତ ହୋଇଯାଆନ୍ତି ।
