ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡର ମଶୁର ସିଙ୍ଗର ଓ କମ୍ପୋଜର ଅଦନାନ ସାମି ତାଙ୍କ ଫ୍ୟାନ୍ସମାନଙ୍କୁ ବଡ ଝଟକା ଦେଇଛନ୍ତି । ଆଜ୍ଞା ହଁ ମଙ୍ଗଳବାର ଅଦନାନ ତାଙ୍କ ଇଂଷ୍ଟାଗ୍ରାମର ସମସ୍ତ ପୋଷ୍ଟ ଡିଲିଟ କରି ଦେଇଛନ୍ତି । ଏହାସହିତ ସେ ଏକ ଭିଡିଓ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଲେଖାହୋଇଛି ‘ଅଲବିଦା’ । ଅଚନାକ ଅଦନାନଙ୍କ ଏଭଳି ପୋଷ୍ଟ ଡିଲିଟ ଏବଂ ଅଲବିଦା ଲେଖିବା ଫ୍ୟାନ୍ସମାନଙ୍କୁ ବିଚଳିତ କରିଛି । ଏହାକୁ ନେଇ ସୋସିଆଲ ମିଡିଆରେ ଅନେକ କଥା ଉଠୁଛି ।
ବାସ୍ତବରେ ଅଦନାନ ସାମି ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସମସ୍ତ ପୋଷ୍ଟ ଡିଲିଟ କରି କେବଳ ଗୋଟେ ଭିଡିଓ ପୋଷ୍ଟ ଛାଡିଛନ୍ତି । ଏହି ଭିଡିଓ ପୋଷ୍ଟରେ ଲେଟରରେ ବ୍ଲାକ ବ୍ୟାଗ୍ରାଉଣ୍ଡ ଉପରେ ଅଲବିଦା ଲେଖା ହୋଇଛି । ଅଦନାନଙ୍କ ଇଂଷ୍ଟାଗ୍ରାମ ବ୍ଲାଙ୍କ ଏବଂ ଅଲବିଦା ଦେଖି ଫ୍ୟାନ୍ସମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।
