ପୁରୀ (ଏଟିଆର ବ୍ୟୁରୋ): ନୂଆବର୍ଷରେ ଜଗା ଦର୍ଶନ ଲାଗି ଏବେଠୁ ଲାଗିଲାଣି ଭକ୍ତଙ୍କ ଭିଡ । ଶ୍ରୀମନ୍ଦିରରେ ଲକ୍ଷାଧିକ ଭକ୍ତଙ୍କ ସମାଗମ ହେଲାଣି । ରାଜ୍ୟ ତଥା ରାଜ୍ୟ ବାହାରୁ ଶ୍ରୀମନ୍ଦିରକୁ ଭକ୍ତଙ୍କ ସୁଅ ଛୁଟିଛି । ଏହାକୁ ଦୃଷ୍ଟିରେ ରଖି ଶ୍ରମନ୍ଦିର ପ୍ରଶାସନ ପକ୍ଷରୁ ସଅଳ ଦ୍ୱାରଫିଟା ନୀତି କରାଯିବ । ଯାହାଫଳରେ କୌଣସି ଭକ୍ତ ଜଗା ଦର୍ଶନରୁ ଯେପରି ବଞ୍ଚିତ ନହୁଅନ୍ତି ।
ସେଥିପାଇଁ ଶ୍ରୀମନ୍ଦିରରେ ଆଜି ସଅଳ ପହୁଡ ପଡିବା ସହ ରାତି ୧ଟାରୁ ଦ୍ୱାର ଫିଟା ନୀତି ଆରମ୍ଭ ହେବ ।
ଅନ୍ୟପଟେ ଭିଡକୁ ଦୃଷ୍ଟିରେ ରଖି ଶୃଙ୍ଖଳିତ ଦର୍ଶନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ମାର୍କେଟ ଛକଠାରୁ ୨୦ ଫୁଟ୍ ର ଅସ୍ଥାୟୀ ବ୍ୟାରିକେଡ କରାଯାଇଛି ।
