କେନ୍ଦ୍ରାପଡା,(ଏଟିଆର ବ୍ୟୁରୋ): ଗ୍ୟାଙ୍ଗଷ୍ଟାର ଟିଟୋର ସହଯୋଗୀକୁ ଏନକାଉଣ୍ଟର । ଇଚ୍ଛାପୁର ଛଗରିଆ ରାସ୍ତାରେ ଗତକାଲି ରାତିରେ ଏନକାଉଣ୍ଟର କରିଛି ପୁଲିସ । ତା’ ନାଁ ବାବୁ ସାହୁ । ବାବୁର ଡାହାଣ ଗୋଡରେ ଗୁଳି ବାଜିଥିବା ବେଳେ ଚିକିତ୍ସା ଲାଗି ତାକୁ ହସପିଟାଲରେ ଭର୍ତ୍ତି କରାଯାଇଛି ।
ଢ଼େରଦିନ ହେବ ବାବୁ ପୁଲିସ ସହ ଲୁଚକାଳି ଖେଳ ଖେଳି ଆସୁଥିଲା । ତେବେ ସେ ଇଚ୍ଛାପୁରରେ ଥିବା ସୂଚନା ମିଳିବା ପରେ ପୁଲିସ ବାବୁକୁ ଧରିବା ଲାଗି ପୂରା ଜାଲ ବିଛାଇଥିଲା । ବାବୁ ପୁଲିସ ହାବୁଡରେ ପଡିବା ପରେ ଖସିଯିବାକୁ ଉଦ୍ୟମ କରି ଅଚାନକ ପୁଲିସ ଉପରକୁ ଗୁଳି ଚଳାଇଥିଲା । ଯାହାର ପ୍ରତି ଜବାବ ମଧ୍ୟ ଦେଇଥିଲା ପୁଲିସ । ପୁଲିସ ଗୁଳିରେ ଆହତ ହୋଇଥିଲା ବାବୁ ।
