ପୁରୀ (ଏଟିଆର ବ୍ୟୁରୋ): ଆଜି ପବିତ୍ର ସୁନାବେଶ । ଏନେଇ ସ୍ୱତନ୍ତ୍ର ଟ୍ରାଫିକ ମୋବିଲିଟି ପ୍ଲାନ କରାଯାଇଛି । ଡ୍ରୋନ କ୍ୟାମେରା ଦ୍ୱାରା ଟ୍ରାଫିକ ବ୍ୟବସ୍ଥା ପରିଚାଳିତ ହେବ । ମାଳତି ପାଟପୁରରୁ ଡ୍ରାଇଭର୍ସନ କରାଯିବ ।
ଭୁବନେଶ୍ୱରରୁ ଆସୁଥିବା ଚାରିଚକିଆ ଗାଡି ଗୁଡିକ ସଂସ୍କୃତ ୟୁନିଭର୍ସିଟି ବା ଶ୍ରୀ ବିହାର ଛକରେ ପାର୍କିଂ କରାଯିବ ଏହାସହିତ ଦୁଇ ଚକିଆ ଗାଡି ଗୁଡିକ ଜଗନ୍ନାଥବଲ୍ଲଭ, ମାଟିତୋଟା ରେ ପାର୍କିଂ କରାଯିବ ।
ସେହିପରି ବ୍ରହ୍ମଗିରି ପଟୁ ଆସୁଥିବା ଚାରିଚକିଆ ଗାଡି ଗୁଡିକ ଯାତ୍ରିକା, ନାଲିପଡିଆରେ ଏବଂ କୋଣାର୍କ ପଟୁ ଆସୁଥିବା ଚାରିଚକିଆ ଗାଡି ଗୁଡିକ ତାଳବଣିଆ ଓ ଦୁଇ ଚକିଆ ଗାଡି ଗୁଡିକ ବ୍ଲୁ ଫ୍ଲାଗ ବିଚ୍ ରେ ପାର୍କିଂ କରାଯିବ ।
ବଡଦାଣ୍ଡକୁ ନୋ ଭେଇକିଲ ଜୋନ୍ ଘୋଷଣା କରାଯାଇଛି । ମେଡିକାଲ ଛକରୁ ସିଂହଦ୍ୱାର ଯାଏଁ ଗାଡି ଚଳାଚଳ ବାରଣ ।
