ନୂଆଦିଲ୍ଲୀ (ଏଟିଆର ବ୍ୟୁରୋ): ଦୀର୍ଘ ଦିନର ଅପେକ୍ଷା ପରେ ରିଲିଜ୍ ପାଇଁ ପ୍ରସ୍ତୁତ ଅକ୍ଷୟ କୁମାରଙ୍କ ଫିଲ୍ମ ‘ଓଏମଜି୨’ । ଅଗଷ୍ଟ ୧୧ ରେ ସିନେମାହଲରେ ରିଲିଜ୍ ହେବ ଓଏମଜି୨ । ୨୦୧୨ ମସିହାରେ ଏହାର ପ୍ରଥମ ପାର୍ଟ ରିଲିଜ୍ ହୋଇଥିଲା । ଯେଉଁଥିରେ ଭଗବାନ କୃଷ୍ଣଙ୍କ ଭୂମିକାରେ ନଜର ଆସିଥିଲେ ଅକ୍ଷୟ କୁମାର । ଏବେ ଫିଲ୍ମର ସିକ୍ୱଲରେ ଭଗବାନ ଶିବଙ୍କ ଅବତାରରେ ନଜର ଆସିବେ ଅକ୍ଷୟ କୁମାର ।
ଫିଲ୍ମର ଟିଜରକୁ ଦର୍ଶକଙ୍କ ପଜେଟିଭ ରେସପନ୍ସ ଆସୁଥିବା ବେଳେ ରିଲିଜ୍ ଅପେକ୍ଷାରେ ଦର୍ଶକ । ଏହାରି ମଧ୍ୟରେ ହିଣ୍ଟ ମିଳିଛି କି ଫିଲ୍ମଟି ସିନେମା ହଲରେ ରିଲିଜ୍ ହେବା ପରେ ଓଟିଟି ପ୍ଲାଟଫର୍ମରେ ରିଲିଜ୍ ହେବ । ମିଳିଥିବା ରିପୋର୍ଟ ମୁତାବକ ଓଏମଜି୨ , ଜିଓ ସିନେମାକୁ ତାର ଓଟିଟି ପ୍ଲାଟଫର୍ମ ରୂପେ ଲକ୍ କରିଛି । ଅବଶ୍ୟ ଏନେଇ ଚ୍ୟାନେଲ ଏବଂ ମେକର୍ସ ପକ୍ଷରୁ କୌଣସି ଅଫିସିଆଲ ସ୍ପଷ୍ଟ ହୋଇନାହିଁ ।
