ପୁରୀ (ଏଟିଆର ବ୍ୟୁରୋ): ବଢିଲା କୋଣାର୍କ ସୂର୍ଯ୍ୟ ମନ୍ଦିରର ପ୍ରବେଶ ଶୁଳ୍କ । ଏଏସଆଇ ପକ୍ଷରୁ ଏହି ଶୁଳ୍କକୁ ବଢାଯାଇଛି । ଏବେ ସାଧାରଣ ଯାତ୍ରୀଙ୍କୁ ୩୦ ଟଙ୍କା ବଦଳରେ ୪୦ ଟଙ୍କା ଦେବାକୁ ପଡିବ । ଏହାସହିତ ବିଦେଶରୁ ଆସିଥିବା ଯାତ୍ରୀଙ୍କୁ ୩୦୦ ରୁ ୪୦୦ ଟଙ୍କା ଦେବାକୁ ପଡିବ ।
ପ୍ରତ୍ୟେକ ଦିନ ଦେଶ ତଥା ଦେଶ ବାହାରୁ ହଜାର ହଜାର ପର୍ଯ୍ୟଟକ କୋଣାର୍କ ମନ୍ଦିର ବୁଲିବା ପାଇଁ ଆସିଥାନ୍ତି । ତାହାର ରମଣୀୟ କାରୁକାର୍ଯ୍ୟରେ ନିଜକୁ ହଜେଇ ଦେଇଥାନ୍ତି । କିନ୍ତୁ ହଠାତ୍ ପ୍ରବେଶ ଶୁଳ୍କ ବଢିବାକୁ ନେଇ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
