ଆନନ୍ଦପୁର,(ସୌମ୍ୟରଂଜନ ସାହୁ): ଆନନ୍ଦପୁର ଶାଳପଡ଼ା ନିକଟରେ ଆଜି ସକାଳୁ ଏକ ସଡ଼କ ଦୁର୍ଘଟଣା ଘଟିଛି । ଟ୍ରକ ଓ ବାଇକ୍ ଧକ୍କାରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଉଛନ୍ତି ପାଟଣା ଅଞ୍ଚଳର ସଦାନନ୍ଦ ମହନ୍ତ । ସେ ଆନ୍ଦପୁର ହର୍ଟିକଲଚରରେ କାମ କରୁଥିଲେ ।
ମିଳିଥିବା ରିପୋର୍ଟ ଅନୁସାରେ, ସଦାନନ୍ଦ ଅଫିସ ଯିବା ଲାଗି ସକାଳ ୯ଟ ବେଳେ ସେ ବାଇକ୍ ନେଇ ଆସୁଥିଲେ । ତେବେ ଶାଳପଡା ନିକଟରେ ତାଙ୍କ ବାଇକକୁ ଏକ ଟ୍ରକ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ସଦାନନ୍ଦଙ୍କ ମୃତ୍ୟୁ ହୋଇଥିଲା । ତେବେ ଦୁର୍ଘଟଣା ପରେ ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି ହସପିଟାଲ ପଠାଇବା ସହ ଘଟଣାର ତଦନ୍ତ ଚଳାଇଛି । ସଦାନନ୍ଦଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ଦୀର୍ଘ ୨୦ବର୍ଷ ହେବ ସଦାନନ୍ଦ ଘଷିପୁରା ଅଞ୍ଚଳରେ ରହୁଥିବା ବେଳେ ସେ ଆନ୍ଦପୁର ହର୍ଟିକଲଚରରେ କାମ କରୁଥିଲେ ।
