ଭୁବନେଶ୍ୱର ( ଏଟିଆର ବ୍ୟୁରୋ): ସୁରଟରୁ ପ୍ରବାସୀ ଓଡିଆଙ୍କୁ ନେଇ ଗଞ୍ଜାମ ଜିଲ୍ଲା ଅଭିମୁଖେ ଆସୁଥିବା ଆଉ ଏକ ବସ ଫୁଲବାଣୀ କଳିଙ୍ଗା ଘାଟିରେ ଦୁର୍ଘଟଣା ଗସ୍ତ ହୋଇଛି । ଏଥିରେ ୩ ଜଣ ଯାତ୍ରୀ ଆହତ ହୋଇଛନ୍ତି । ପ୍ରବାସୀଙ୍କୁ ନେଇ ଆସୁଥିବା ଏହି ବସର ନାମ ଅମ୍ବିକା ରହିଛି । ସୂଚନାଯୋଗ୍ୟ ଗତକାଲି ମଧ୍ୟ ଏହି ଘାଟିରେ ଆଉ ଏକ ବସ୍ ଦୁର୍ଘଟଣାଗସ୍ତ ହୋଇଥିଲା ।
ଗତକାଲି ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିଲା । ଅନ୍ୟପଟେ ପ୍ରବାସୀ ଓଡିଆଙ୍କୁ ନେଇ ଆସୁଥିବା ଆଉ ଏକ ବସ୍ ଧୂର୍ଘଟଣା ଗସ୍ତ ହୋଇଛି । ବସଟି ଗଞଜାମରୁ ସୁରତ ଆସୁଥିବା ସୂଚନା ରହିିଛି । ଆଜି ସକାଳେ ଏହି ବସ୍ଟି ନାଗପୁର ଅମରାବତି ରାଜପଥରେ ଦୂର୍ଘଟଣା ଗସ୍ତ ହୋଇଥିବା ସୂଚନା ରହିଛି । ବସରେ ୫୦ ଯାତ୍ରୀଥିଲେ ।
ଏହି ଦୂର୍ଘଟଣାରେ ୫ ଜଣ ଲୋକ ଗୁରୁତର ହୋଇଛନ୍ତି । ସେମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ବସଟି ଆସୁଥିବା ବେଳେ ବନ୍ୟ ଜନ୍ତୁ ବସ ଆଗକୁ ଚାଲି ଆସିଥିଲା । ଯାହାଫଳରେ ବନ୍ୟଯନ୍ତୁଙ୍କୁ ବଞ୍ଚାିଇବା ପାଇଁ ଡ୍ରାଇଭର ଚେଷ୍ଟା କରୁଥିବା ବେଳେ ବସଟି ଭାରସ୍ୟାମ ହରାଇ ରାସ୍ତାକଡକୁ ଓଲଟି ପଡିଛି ।
