ବାଲେଶ୍ୱର (ଏଟିଆର ବ୍ୟୁରୋ): ଭାରସାମ୍ୟ ହରାଇ ଧାନ ବିଲକୁ ଓଲଟି ପଡିଲା ବସ୍ । ଏଥିରେ ୫ ଜଣ ଆହତ ହୋଇଛନ୍ତି । ଏଭଳି ଏକ ଘଟଣା ବାଲେଶ୍ୱର ଜିଲ୍ଲା ଡିଗିରିପାହି ଛକ ନିକଟରେ ଘଟିଛି । ସେପଟେ ଘଟଣାସ୍ଥଳରୁ ସମସ୍ତ ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ପ୍ରଭୁଜୀ ନାମକ ବସ୍ ଟି କଷାଫଳାରୁ ବାଲେଶ୍ୱର ଅଭିମୁଖେ ଯାଊଥିଲା । ବସ୍ ଟି ଡିଗିରିପାହି ଛକ ନିକଟରେ ଭାରସାମ୍ୟା ହରାଇବାରୁ ରାସ୍ତା କଡରେ ଥିବା ଧାନ ବିଲକୁ ଓଲଟି ପଡିଛି । ବସ୍ ରେ ୨୦ ଜଣ ଯାତ୍ରୀ ଥିବା ବେଳେ ସେମାନଙ୍କ ମଧ୍ୟରୁ ୫ ଜଣ ଆହତ ହୋଇଛନ୍ତି । ଆଉ ସବୁଠୁ ବଡ କଥା ହେଉଛି ଆହତଙ୍କ ମଧ୍ୟରେ ଜଣେ ଗର୍ଭବତୀ ମହିଳା ଥିବା ସୂଚନା ରହିଛି ।
