କଟକ,(ଏଟିଆର ବ୍ୟୁରୋ): ପୁଣି ଯାତ୍ରୀବାହି ବସ ଦୁର୍ଘଟଣାଗସ୍ତ । ରାସ୍ତା ଉପରେ ପଲଟି ମାରିଲା ବସ । ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ରୁ ଅଧିକ ଗୁରୁତର ଆହତ ହୋଇଥିବା ସୂଚନା ମିଳିଛି । ଆହତଙ୍କୁ ରକ୍ତାକ୍ତ ଅବସ୍ଥାରେ କଟକ ବଡ ମେଡିକାଲରେ ଭର୍ତ୍ତି କରାଯାଇଛି ।
ମିଳିଥିବା ରିପୋର୍ଟ ଅନୁସାରେ, କଟକରୁ ଯାତ୍ରୀଙ୍କୁ ନେଇ ନିଳକଣ୍ଠ ନାମକ ଏକ ବସ ଅନୁଗୁଳ ଯାଉଥିଲା । ତେବେ କଜଳକଣା ନିକଟରେ ହଠାତ୍ ଗାଡିଟି ରାସ୍ତା ଉପରେ ଓଲଟି ପଡିଥିବା କୁହାଯାଉଛି । ଫଳରେ ଘଟଣାସ୍ଥଳରେ ହିଁ ଦୁଇଜଣ ଯାତ୍ରୀଙ୍କ ମୃତ୍ୟୁ ହୋଇଛି । ମୃତକଙ୍କ ପରିଚୟ ମିଳିନଥିବା ବେଳେ ଆହତ ଯାତ୍ରୀଙ୍କୁ ଉଦ୍ଧାର କରାଯାଇ ହସପିଟାଲ ପଠାଯାଇଛି । ଖବର ପାଇ ପୁଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ସେପଟେ ଦୁର୍ଘଟଣା ପରେ ରାସ୍ତାରେ ଯାତାୟତ ଠପ ହୋଇଯାଇଛି । ଦୁର୍ଘଟଣା ପଛର କାରଣ ଜଣାପଡିନାହିଁ । ଭାରସାମ୍ୟ ହରାଇବା ଯୋଗୁ ଏଭଳି ଘଟଣା ଘଟିଛି ବୋଲି ଶୁଣିବାକୁ ମିଳୁଛି ।
