ଭଦ୍ରକ,(ଏଟିଆରବ୍ୟୁରୋ): ଭୟାବହ ଅଗ୍ନିକାଣ୍ଡ । ୩ଟି ଘର ଜଳିଯିବା ସହ ୪ଟି ଗାଈ ଓ ୨୬ଟି ଛେଳିଙ୍କ ମୃତ୍ୟୁ ହୋଇଛି । ଏମିତି ଘଟଣା ଘଟିଛି ସାବରଙ୍ଗ ଫାଣ୍ଡି ଅଧିନ ଗୋରାମାଟି ଗାଁରେ । ବିଳମ୍ବିତ ରାତିରେ ଘଟିଥିବା ଏହି ଅଗ୍ନିକାଣ୍ଡରେ ପୂରା ଗାଁ ଆତଙ୍କିତ ହୋଇପଡିଥିଲା । ତେବେ ନିଆଁ ଲାଗିବା ପଛର କାରଣ ଏଯାବତ୍ ସ୍ପଷ୍ଟ ହୋଇପାରି ନାହିଁ ।
ମିଳିଥିବା ରିପୋର୍ଟ ଅନୁସାରେ, ଗାଁର ପରମେଶ୍ୱର ନାୟକଙ୍କ ଘରେ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ପରେ ସହଦେବ ଓ ଲକ୍ଷ୍ମୀଧରଙ୍କ ଘର ଜଳିବାକୁ ଲାଗିଥିଲା । ଯଦିଓ ଗାଁ ଲୋକେ ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ହେଲେ ତାହା ସମ୍ଭବ ହୋଇନଥିଲା । ପରେ ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ନିଆଁକୁ ଆୟତ କରିଥିଲେ । ତେବେ ନିଆଁ ଆୟତ ହେଲା ବେଳକୁ ସବୁ କିଛି ସ୍ୱାହା ହୋଇ ସାରିଥିଲା ।
