ରାଉରକେଲା(ଏଟିଆର ବ୍ୟୁରୋ): ସୁନ୍ଦରଗଡ ଜିଲ୍ଲା ରାଉରକେଲା ଠାରେ ଗତକାଲି ବିଳମ୍ବିତ ରାତିରେ ଏକ କପଡା ଗୋଦାମରେ ନିଆଁ ଲାଗିଯାଥିଲା । ରାଉରକେଲା ସହରର ମେନ ରୋଡ ମଙ୍ଗଳ ଭବନ ପାଖରେ ଥିବା ଏକ କପଡା ଦୋକାନର ଗୋଦାମ ଘରେ ନିଆଁ ଲାଗିଯାଥିଲା । ନିଆଁ ଲାଗିଥିବାର ଦେଖି ସ୍ଥାନୀୟ ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗର ଦୁଇଟି ଦମକଳ ଗୋଦାମ ନିକଟରେ ପହଞ୍ଚିଥିଲା ।
ହେଲେ ନିଆଁ ଏତେ ଜୋରେ ଲାଗିଥିଲେ ଯେ ଏହାକୁ ଆୟତ୍ତ କରିବା ପାଇଁ ଅଗ୍ନିଶମ ବିଭାଗକୁ ବହୁ ସମୟ ଲାଗିଥିଲା । ତେବେ ଏହି ଅଗ୍ନିକାଣ୍ଡରେ ଗୋଦାମରେ ଥିବା ପାଖାପାଖି ୭ ଲକ୍ଷ ଟଙ୍କାର କପଡା ପୋଡି ଯାଇଥିବାର ଆକଳନ କରାଯାଉଛି । ଫାୟାର ଅଫିସରଙ୍କ କହିବା ଅନୁସାରେ ଗୋଦାମ ଘରେ ଅଗ୍ନି ନିରାପତ୍ତା ଲାଗି କୌରସି ପ୍ରକାରର ବ୍ୟବସ୍ଥା ନଥିଲା । ସର୍ଟ ସର୍କିଟ ଯୋଗୁ ନିଆଁ ଲାଗିଥିବାର ଅନୁମାନ କରାଯାଉଛି ।
