ବଲାଙ୍ଗିର (ଏଟିଆର ବ୍ୟୁରୋ); ଚଳନ୍ତା ଟ୍ରେନରେ ନିଆଁ । ଅଳ୍ପକେ ବର୍ତ୍ତିଲେ ଯାତ୍ରୀ । ଟ୍ରେନରୁ ବାହାରୁଛି ଅନର୍ଗଳ ଧୂଆଁ । ଯାହାକୁ ଦେଖି ଭୟ କରି ଯାଇଛନ୍ତି ଯାତ୍ରୀ । ଷ୍ଟେସନ ପୂର୍ବରୁ ଅଟକି ରହିଛନ୍ତି ଯାତ୍ରୀ । ତେବେ ଏଭଳି ଘଟଣା ଘଟିଛି ବଲାଙ୍ଗିର ଜିଲ୍ଳା ହରିଶଙ୍କର ଷ୍ଟେସନ ନିକଟରେ । ନୂଆଦିଲ୍ଲୀ-ବିଶାଖାପାଟଣା ସମତା ଏକ୍ସପ୍ରେସରେ ନିଆଁ ଲୠିଛି । ଇଞ୍ଜିନରେ ତ୍ରୃଟି ପାଇଁ ଏଭଳି ନିଆଁ ଲାଗିଥିବା ସୂଚନା ମିଳିଛି । ତେବେ କେଉଁ କାରଣରୁ ତ୍ରୃଟି ହୋଇଛି ତାହା ଜଣା ପଡିନାହିଁ ।
ମିଳିଥିବା ସୂଚନା ମୁତାବକ ନୂଆଦିଲ୍ଲୀ-ବିଶାଖାପାଟଣା ସମତା ଏକ୍ସପ୍ରେସ ଯାଉଥିବା ବେଳେ ହଠାତ ହରିଶଙ୍କର ଷ୍ଟେସନ ପୂର୍ବରୁ ଟ୍ରେନରେ ନିଆଁ ଲାଗିଥିବା ଦେଖିବାକୁ ମିଳିଥିଲା । ଯାହାକୁ ଦେଖିବା ପରେ ଭୟ କରିଯାଇଥିଲେ ଯାତ୍ରୀ । ପରେ ଟ୍ରେନଟି ଷ୍ଟେସନ ପୂର୍ବରୁ ଅଟକି ରହିଥିଲା । ଏବଂ ରେଳ କର୍ମଚାରୀମାନେ ଖବର ପାଇ ଘଟଣାସ୍ଥଳରେ ପହଁଞ୍ଚିଥିଲେ । ଯାତ୍ରୀମାନଙ୍କୁ ଟ୍ରେନ ଭିତରୁ ସୁରକ୍ଷିତ ଭାବରେ ଉଦ୍ଧାର କରିଥିଲେ । ଏହା ପରେ ନିଆଁକୁ ଆୟତ କରିବା ପାଇଁ ଚେଷ୍ଠା କରାଯାଇଥିଲା । ଯାତ୍ରୀମାନେ ଟ୍ରେନରୁ ବାହାରକୁ ଯାଇଥିଲେ ମଧ୍ୟ ମନରେ ଭୟ ରହିଥିବା ଦେଖିବାକୁ ମିଳିଛି । ସେପଟେ ଏପରି ଅଘଟଣା ପାଇଁ ଷ୍ଟେସନରେ ଅନ୍ୟ ଟ୍ରେନ ଆସିବା ପର୍ଯ୍ୟନ୍ତ ଅପେକ୍ଷା କରିବା ପାଇଁ ପଡିଛି ।
ସେ ଯାହାବି ହେଉ ଭଗବାନଙ୍କ କୃପାରୁ କୌଣସି ଯାତ୍ରୀଙ୍କର କିଛି କ୍ଷତି ହୋଇ ନାହିଁ । ସେପଟେ ଅଘଟଣ ପାଇଁ ସେମାନଙ୍କୁ କିଛି ସମୟ ଅଟକି ରହିବାକୁ ପଡିଛି । ପୂର୍ବରୁ ,ଭଳି ବହୁବାର ଟ୍ରେନରେ ନିଆଁ ଦେଖିବାକୁ ମିଳିଛି । ଏବଂ ଗତବର୍ଷ ମଧ୍ୟ ବହୁବାର ଟ୍ରେନ ଦୁର୍ଘଟଣା ଘଟିଥିଲା । ଯାହାଫଳରେ ବହୁ ଲୋକଙ୍କ ଜୀବନ ମଧ୍ୟ ଚାଲିଯାଇଥିଲା ।
