ଅନୁଗୋଳ (ଏଟିଆର ବ୍ୟୁରୋ); ମୁହାଁମୁହିଁ ହେଲେ ଦୁଇ ଟ୍ରକ । ଅଳ୍ପକେ ବର୍ତ୍ତିଲେ ଡ୍ରାଇଭର । ତେବେଏଭଳି ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଳା କିଶୋର ନଗର ଥାନା ଅନ୍ତର୍ଗତ କଳାବେଡା ନିକଟ ୫୫ ନମ୍ବର ଜାତୀୟ ରାଜପଥରେ । ଏକ କୋଇଲା ବୋଝେଇ ଟକ୍ର ସହ ପିଆଜ ବୋଝେଇ ଟ୍ରକ ମୁହାଁମୁହିଁ ଧକ୍କା ହୋଇଥିଲା । ରାସ୍ତା ଉପରେ ଏଭଳି ଦୁର୍ଘଟଣା ଘଟିଥିବାରୁ ରାସ୍ତା ଜାମ ହୋଇଥିଲା । ଫଳରେ ରାସ୍ତାର ଉଭୟ ପାଶ୍ୱରେ ଗାଡି ମଟର ଜମି ରହିଥିଲା । ପରେ ପୋଲିସ ପହଁଞ୍ଚିବା ପରେ ଜାମ ହଟାିଥିଲା । ଏବଂ ଗାଡି ମଟର ଚଳାଚଳ ହୋଇଥିଲା । ଅପରପକ୍ଷରେ ଡ୍ରାଇଭରଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି ।
ମିଳିଥିବା ସୂଚନା ମୁତାବକ ଶୁକ୍ରବାର ସକାଳ ୮ଟା ସମୟରେ ସମ୍ବଲପୁରରୁ ଅନୁଗୋଳ ଅଭିମୁଖେ ଆସୁଥିବା ଏକ ପିଆଜ ବୋଝେଇ ଟ୍ରକ ବିପରୀତ ଦିଗରୁ ଆସୁଥିବା ଏକ କୋଇଲା ବୋଝେଇ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣା ପରେ କୋଇଲା ବୋଝେଇ ଟ୍ରକର ଚାଳକ ଓ ତାଙ୍କ ସହଯୋଗୀ କୌଣସି ମତେ ଗାଡ଼ିରୁ ବାହାରିବାରେ ସକ୍ଷମ ହୋଇଥିଲେ। ତେବେ ପିଆଜ ବୋଝେଇ ଟ୍ରକ୍ର ଚାଳକ ଗାଡ଼ିରେ ଚାପି ହୋଇ ରହିଯାଇଥିଲେ। ପରେ ପୁଲିସ୍ ଓ ଅଗ୍ନିଶମ ବାହିନୀ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ। ପରେ ଆମ୍ବୁଲାନ୍ସ ଯୋଗେ ଡ୍ରାଇଭରଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଦୁଇ ଗାଡିକୁ ହଟାଇବା ପରେ ରାସ୍ତା ଜାମ ହଟିଥିଲା ।
