ରାୟଗଡା (ଏଟିଆର ବ୍ୟୁରୋ): ଏକ ମର୍ମନ୍ତୁଦ ସଡକ ଦୁର୍ଘଟଣା । ଓଲଟି ପଡିଲା ଆଲୁମିନିୟମ୍ ପାଉଡର ବୋଝେଇ ଟ୍ୟାଙ୍କର । ଘଟଣାସ୍ଥଳରେ ଡ୍ରାଇଭରର ମୃତ୍ୟୁ ଘଟିଛି । ମାତ୍ର ଡ୍ରାଇଭରର ପରିଚୟ ଏଯାଏଁ ମିଳିପାରି ନାହିଁ ।ଏଭଳି ଏକ ଅଭାବନୀୟ ଖବର ରାୟଗଡା ସଦା ଥାନା ଅର୍ନ୍ତଗତ ଗୁମ୍ମାଘାଟିରେ ଘଟିଛି ।
ଆଲୁମିନିୟମ୍ ପାଉଡର ବୋଝେଇ ଟ୍ୟାଙ୍କରଟି ମଧ୍ୟପ୍ରଦେଶ ଯାଉଥିବା ବେଳେ ଆଜି ସକାଳୁ ସକାଳୁ ଦୁର୍ଘଟଣାର ଶିକାର ହୋଇଥିଲା । ଟ୍ୟାଙ୍କରଟି ଭାରସାମ୍ୟ ହରାଇ ଗୁମ୍ମାଘାଟି ତଳକୁ ଖସି ପଡିଥିଲା । ଘାଟିରୁ ପ୍ରାୟତଃ ୨୦ ଫୁଟ୍ ତଳକୁ ଖସିପଡିଥିଲା ଟ୍ୟାଙ୍କର । ଏଥିରେ ଡ୍ରାଇଭରର ମୃତ୍ୟୁ ଘଟିଛି । ଖବର ପାଇ ଅଗ୍ନିଶମ ବିଭାଗ ଟିମ୍ ଘଟଣାସ୍ଥଳରେ ପହଁଚି ମୃତ୍ୟୁ ଡ୍ରାଇଭରକୁ ଘାଟିରୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରଖିଛନ୍ତି ।
