ଭୁବନେଶ୍ୱର (ଏଟିଆର ବ୍ୟୁରୋ): ଏଥରକ ମାତ୍ର ୧୧ ଦିନ ପାଇଁ ଖରା ଛୁଟି ଘୋଷଣା ହୋଇଛି । ଜୁନ୍ ୬ ତାରିଖରୁ ୧୬ ତାରିଖ ଯାଏଁ ଖରା ଛୁଟି ପାଇଁ ସ୍କୁଲ ବନ୍ଦ ରହିବ । କରୋନା ପାଇଁ ପାଠପଢା ବ୍ୟାଘାତ ହୋଇଥିବାରୁ ଗଣଶିକ୍ଷା ବିଭାଗ ପକ୍ଷରୁ ଏଭଳି ନିଷ୍ପତି ନିଆଯାଇଛି ।
ସେହିପରି ବର୍ତ୍ତମାନ ଭଳି ସକାଳୁଆ ସ୍କୁଲ ଜାରି ରହିବ । ମେ ପହିଲାରୁ ଜୁନ୍ ୫ ଯାଏଁ ସକାଳ ୬ଟାରୁ ୯ଟା ଯାଏଁ ସ୍କୁଲ ଚାଲିବାକୁ ଥିବା ବେଳେ ଏପ୍ରିଲ ୨୦ ରୁ ୩୦ ଯାଏଁ ପ୍ରଥମରୁ ନବମ ଶ୍ରେଣୀ ପାଇଁ ନୂତନ ଆଡମିଶନ ଓ ରିଆଡମିଶନ କରାଯିବ ।କିନ୍ତୁ ପାଠପଢା ସମୟ ସାରଣୀରେ ପରିବର୍ତ୍ତନ କରାଯାଇଛି ।
