ଭୁବନେଶ୍ୱର (ଏଟିଆର ବ୍ୟୁରୋ): ପରଦାକୁ ଆସିବାକୁ ଯାଉଛି ନୂଆ ଓଡିଆ ଚଳଚ୍ଚିତ୍ର ‘ଦିଲ୍ ର ପାସୱାର୍ଡ’ । ଶିଶୁ କଳାକାର ଭାବେ ବିଭିନ୍ନ ଚଳଚ୍ଚିତ୍ରରେ କାମ ସମସ୍ତଙ୍କ ମନ ଜିତିଥିବା ସ୍ୱରାଜ ଏହି ଫିଲ୍ମରେ ମୁଖ୍ୟ କଳାକାର ଭାବେ ଅଭିନୟ କରିବେ । ତାଙ୍କ ବିପକ୍ଷରେ ନାୟିକା ସାଜିଛନ୍ତି ମୁମ୍ବାଇ ମଡେଲ ମାନବୀ ପଟେଲ । ଏହି ଫିଲ୍ମଟି ଏକ ରୋମାଣ୍ଟିକ ସିନେମା ହୋଇଥିବା ବେଳେ ଏହା ସମସ୍ତ ଦର୍ଶକଙ୍କର ମନ ଜିତିବ ବୋଲି ଆଶା କରାଯାଉଛି । ଏହି ନୂଆ ଓଡିଆ ସିନେମାର ପ୍ରଯୋଜନା ସୁମନ ବର୍ମା ଏବଂ ନିର୍ଦ୍ଦେଶନାର ଭାର ସମ୍ଭାଳିଛନ୍ତି ଧରମ ବର୍ମା । ତେବେ ଏହି ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମ ଆନନ୍ଦ । ଆୟୋସି ଫିଲ୍ମ ନିବେଦିତ ଫିଲ୍ମ ‘ଦିଲ୍ ର ପାସୱାର୍ଡ’ । ଏହି ଫିଲ୍ମର କାହାଣୀ ଲେଖିଛନ୍ତି ରମାଶଙ୍କର । ଏହି ଫିଲ୍ମର ସୁଟିଂ କାର୍ଯ୍ୟ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି ।
