ମୁମ୍ବାଇ(ଏଟିଆର ବ୍ୟୁରୋ): ଫିଲ୍ମ ହିରୋପଣ୍ଟି ଜରିଆରେ ବଲିଉଡରେ ଡେଭ୍ୟୁ କରିଥିଲେ ଟାଇଗର ସ୍ରଫ । ଏହା ପରେ ଗୋଟିଏ ପରେ ଗୋଟିଏ ପିଲ୍ମ କରିଚାଲିଛନ୍ତି ଟାଇଗର । ଟାଇଗର ତାଙ୍କ ଫିଲ୍ମ ପାଇଁ ଯେତିକି ଚର୍ଚ୍ଚାରେ ରୁହନ୍ତି ତାଠାରୁ ବେଶୀ ଅଧିକ ସେ ନିଜର ଲୁକ, ଡ୍ୟାନ୍ସ ଓ ଷ୍ଟଣ୍ଟ ପାଇଁ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥାନ୍ତି । ତେବେ ବର୍ତ୍ତମାନ ଟାଇଗର ତାଙ୍କ ଆଗମୀ ପିଲ୍ମକୁ ନେଇ ଚର୍ଚ୍ଚାକୁ ଆସିଛନ୍ତି ।
ଟାଇଗରଙ୍କ ଆଗାମୀ ଫିଲ୍ମ ବାଗୀ-୩ର ଟ୍ରେଲର ରିଲିଜ ହୋଇଛି । ଯେଉଁ ଥିରେ ଟାଇଗର ଯବରଦସ୍ତ ଆକ୍ସନ କରୁଥିବାର ଦେଖିବାକୁ ମିଳୁଛି । ଏହି ଟ୍ରେଳରେ ଟାଇଗର ତାଙ୍କ ଭାଇକୁ ବଞ୍ଚାଇବାକୁ ଯାଇ ସିରିଆରେ ପଞ୍ଚିଛନ୍ତି । ସେଠାରେ ଟାଇଗର ଅତଙ୍କବାଦୀଙ୍କ ସହ ଲଢୁଥିବାର ଦେଖିବାକୁ ମିଲିଛି । ଦର୍ଶକ ମାନେ ଟ୍ରେଲଟିକୁ ଖୁବ ପସନ୍ଦ କରିଛନ୍ତି । ବର୍ତ୍ତମାନ ଏହି ଟ୍ରେଲର ସୋସିଆଲ ମିଡିଆରେ ଭାଇରାଲ ହେବାର ଲାଗିଛି ।
ଏହି ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ଅହମ୍ମଦ ଖାନ୍ । ତେବେ ଏହି ଫିଲ୍ମରେ ଟାଇଗରଙ୍କ ସହ ପୁଣି ଶ୍ରଦ୍ଧା କାପୁରଙ୍କୁ ଦେଖିବାକୁ ମିଳିଛି । ଅନ୍ୟମାନଙ୍କ ମଧ୍ୟରେ ରିତେଶ ଧେଶମୁଖ୍, ଦିଶା ପଟାନୀ, ଜୈକି ସ୍ରଫ, ବିଜୟ ବର୍ମା, ଅଙ୍କିତ ଲୋଖଣ୍ଡେ ପ୍ରମୁଖ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମ ଆସନ୍ତା ମାର୍ଚ୍ଚ ୬ ତାରିଖରେ ବଡ ପରଦାରେ ଦେଖିବାକୁ ମିଳିବ ।
