ନୂଆଦିଲ୍ଲୀ (ଏଟିଆର ବ୍ୟୁରୋ): ନିକଟରେ ବିବାହ ବନ୍ଧନରେ ବାନ୍ଧି ହୋଇଥିଲେ ବଲିଉଡ ସିଙ୍ଗର ନେହା କକ୍କର । ତାଙ୍କ ବିବାହ ଏବଂ ହନିମୁନ୍ କୁ ନେଇ ସେ ଖୁବ୍ ଚର୍ଚ୍ଚାରେ ମଧ୍ୟ ରହିଥିଲେ । ସେହିପରି ଏବେ ନେହା କକ୍କରଙ୍କୁ ନେଇ ଆଉ ଏକ ଖବର ସାମ୍ନାକୁ ଆସିଛି । ଏହି ଖବର ଶୁଣିବା ପରେ ଆପଣ ଖୁସୀ ହେବା ସହିତ ଟିକେ ଆଶ୍ଚର୍ଯ୍ୟ ମଧ୍ୟ ହୋଇଯିବେ । ପ୍ରକୃତରେ ନେହା ଏବଂ ରୋହନପ୍ରୀତ ସିଂହଙ୍କ ଘରକୁ ବହୁତ ଶୀଘ୍ର ଏକ ଛୋଟ ଅତିଥି ଆସିବାକୁ ଯାଉଛନ୍ତି । ଆଜ୍ଞା ହଁ ମାତା-ପିତା ହେବାକୁ ଯାଉଛନ୍ତି ନେହା କକ୍କର ଏବଂ ରୋହନପ୍ରୀତ । ଏନେଇ ନିଜେ ନେହା ଏବଂ ରୋହନପ୍ରୀତ ଏକ ପୋଷ୍ଟ ସେୟାର କରି ତାଙ୍କ ଫ୍ୟାନ୍ସ ମାନଙ୍କୁ ଜଣାଇଛନ୍ତି ।
ନେହା ତାଙ୍କ ଇଂଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଖୁସୀ ଥିବାର ନଜର ଆସିବା ସହ ବେବିବମ୍ପ ଉପରେ ହାତ ରଖିଛନ୍ତି । ସେହିପରି ଏହି ଫଟୋରେ ରୋହନପ୍ରୀତ ନେହାଙ୍କୁ ଧରିଥିବାର ନଜର ଆସୁଛନ୍ତି । ଏହି ଫଟୋକୁ ସେୟାର କରି ନେହା କ୍ୟାପ୍ସନରେ ଲେଖିଛନ୍ତି ‘ଖୟାଲ ରଖା କରୋ’ ।
https://www.instagram.com/p/CI7E-TWDDbA/?utm_source=ig_embed
ନେହା କକ୍କରଙ୍କ ଏହି ଫଟୋରେ ଫ୍ୟାନ୍ସମାନେ ଅନେକ ସାରା କମେଣ୍ଟସ ମଧ୍ୟ କରୁଛନ୍ତି । ଫ୍ୟାନ୍ସମାନେ କମେଣ୍ଟ କରି ଉଭୟଙ୍କୁ ଶୁଭେଚ୍ଛା ଜଣାଉଛନ୍ତି । କିନ୍ତୁ ଏହି ଖବର କେତେ ସତ ତାହା ସ୍ପଷ୍ଟ ହୋଇନାହିଁ । ହୁଏତ ଏହା କୌଣସି ପ୍ରୋଜେକ୍ଟର ପ୍ରାମୋଶନ ଷ୍ଟଣ୍ଟ ବି ହୋଇପାରେ । ସେ ଯାହା ହେଉ ନା କାହିଁକି ନେହାଙ୍କର ଏହି ପୋଷ୍ଟରେ ଫ୍ୟାନ୍ସମାନେ ବହୁତ ଖୁସୀ ଅଛନ୍ତି ।
ସୂଚନାଯୋଗ୍ୟ, ଗତ ଅକ୍ଟୋବର ୨୬ ରେ ନେହା କକ୍କର ଏବଂ ରୋହନପ୍ରୀତ ସିଂହ ବିବାହ ବନ୍ଧନରେ ବାନ୍ଧି ହୋଇଥିଲେ । ତାଙ୍କ ବିବାହର ଫଟୋ ସୋସିଆଲ ମିଡିଆରେ ଛାଇ ଯାଇଥିଲା ।
