ମୁମ୍ବାଇ (ଏଟିଆର ବ୍ୟୁରୋ): ସୁପରଷ୍ଟାର ରଜନୀକାନ୍ତ ଓ ଅକ୍ଷୟ କୁମାରଙ୍କ ଅଭୀନିତ ବହୁ ପ୍ରତୀକ୍ଷିତ ଫିଲ୍ମ ୨.୦ ଆସନ୍ତା ନଭେମ୍ବରରେ ପରଦାରେ ରିଲିଜ୍ ହେବାକୁ ଯାଉଛି । ଏନେଇ ବୁଧବାର ଅକ୍ଷୟ କୁମାର ଟ୍ୱିଟ କରିଛନ୍ତି । ସେ କହିଛନ୍ତି ‘ଅନ୍ତିମ ଲଢାଇ ପାଇଁ ପ୍ରସ୍ତୁତ ହୋଇଯାଆନ୍ତୁ । ଖୁବଶୀଘ୍ର ଫିଲ୍ମ ୨.୦ ନଭେମ୍ବର ୨୯,୨୦୧୮ରେ ପରଦାକୁ ଆସୁଛି’ ।
Get ready for the ultimate clash, #2Point0 on 29th November, 2018! https://t.co/t31HtEOl12
— Akshay Kumar (@akshaykumar) July 10, 2018
ଲାଇକା ବ୍ୟାନରରେ ପ୍ରସ୍ତୁତ ଏହି ଫିଲ୍ମରେ ପ୍ରଥମ ଥର ପାଇଁ ଦୁଇ ଜବରଦସ୍ତ ସୁପରଷ୍ଟାରଙ୍କୁ ଦେଖିବାକୁ ପାଇବେ ଦର୍ଶକ । ତାଙ୍କ ବ୍ୟତୀତ ଫିଲ୍ମରେ ସୁଧାଂଶୁ ପାଣ୍ଡେ ଓ ଆଦିଲ ହୁସୈନ, ଆମି ଜ୍ୟାକସନ, କଲାଭବନ ସାହଜନ ଏବଂ ରିଆଜ ଖାଁ ପ୍ରମୁଖ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଫିଲ୍ମର ନେର୍ଦ୍ଦଶନା ଦାୟି୍ତ୍ୱରେ ଏସ୍ ଶଙ୍କର ଥିବା ବେଳେ ମ୍ୟୁଜିକ ଭାର ତୁଲାଇଛନ୍ତି ଏ.ଆର ରେହମାନ । ଏହି ଫିଲ୍ମ ୨୦୧୦ରେ ରିଲିଜ ହୋଇଥିବା ଫିଲ୍ମ ‘ଏଂଥିରନ’ (ରୋବଟ)ର ସିକ୍ୱଲ । ଯେଉଁଥିରେ ଅଭିନେତ୍ରୀ ଐଶ୍ୱର୍ଯ୍ୟ ରାୟଙ୍କୁ ଦେଖିବାକୁ ପାଇଥିଲେ ଦର୍ଶକ ।
